കണ്ണൂരിൽ ജയമുറപ്പിച്ച് സുധാകര ഗർജനം; 2019ലെ ഭൂരിപക്ഷം മറികടന്നു

കണ്ണൂർ: ഇടതുകോട്ടയിൽ കോൺഗ്രസിന്റെ മൂവർണക്കൊടി ഉയരെ പാറിച്ച് കെ. സുധാകരൻ മുന്നേറ്റം തുടരുന്നു. 97,175 വോട്ടിന്റെ ഭൂരിപക്ഷത്തിലാണ് ഉച്ച കഴിഞ്ഞ് മൂന്ന് മണിക്ക് സുധാകരൻ മുന്നേറുന്നത്. ആകെ പോൾചെയ്ത 10,48,839 വോട്ടിൽ 4,62,951ഉം സുധാകരന് അനുകൂലമാണ്. 2019ൽ 94,559 ആയിരുന്നു ഭൂരിപക്ഷം. 

എതിർസ്ഥാനാർഥി സി.പി.എമ്മിലെ എം.വി. ജയരാജന് 3,65,776 വോട്ടുകളാണ് ഇതുവരെ നേടാനായത്. ബി.ജെ.പി സ്ഥാനാർഥി സി. രഘുനാഥ് 10,8672 വോട്ടിലൊതുങ്ങി. ഇനി 1.11 ല​ക്ഷത്തോളം വോട്ടുകളാണ് എണ്ണാനുള്ളത്. ഇതിൽ ഒരുലക്ഷത്തിലേ​റെ വോട്ട് നേടിയാൽ മാത്രമേ ജയരാജന് വിജയിക്കാൻ കഴിയൂ.