വ​ള​പ​ട്ട​ണം സ​ർ​വി​സ് സ​ഹ​ക​ര​ണ ബാ​ങ്കി​നെ​തി​രെ നി​ക്ഷേ​പ​ക​ർ

ക​ണ്ണൂ​ർ: വ​ള​പ​ട്ട​ണം സ​ർ​വി​സ് സ​ഹ​ക​ര​ണ ബാ​ങ്കി​നെ​തി​രെ പ​രാ​തി​യു​മാ​യി നി​ക്ഷേ​പ​ക​ർ രം​ഗ​ത്ത്. അ​ക്കൗ​ണ്ടി​ലെ പ​ണം മാ​സ​ങ്ങ​ളാ​യി പി​ൻ​വ​ലി​ക്കാ​ൻ ക​ഴി​യു​ന്നി​ല്ലെ​ന്നും ഇ​തേ​കു​റി​ച്ച് ചോ​ദി​ച്ചാ​ൽ കൃ​ത്യ​മാ​യ മ​റു​പ​ടി​പോ​ലു​മി​ല്ലെ​ന്നു​മാ​ണ് പ​രാ​തി. അ​ത്യാ​വ​ശ്യ​കാ​ര്യ​ത്തി​നു​പോ​ലും പ​ണം പി​ൻ​വ​ലി​ക്കാ​ൻ ക​ഴി​യാ​തെ വ​ന്ന​തോ​ടെ നൂ​റു​ക​ണ​ക്കി​ന് നി​ക്ഷേ​പ​ക​ർ വെ​ട്ടി​ലാ​യി.

പ​ണ​മി​ട​പാ​ടി​നെ ചൊ​ല്ലി ഇ​ട​പാ​ടു​കാ​രും ബാ​ങ്ക് ജീ​വ​ന​ക്കാ​രും ത​മ്മി​ൽ മി​ക്ക ദി​വ​സ​വും വാ​ക്കേ​റ്റ​വു​മു​ണ്ട്. പ​ണം ല​ഭി​ക്കാ​തെ പു​റ​ത്തു​പോ​വി​ല്ലെ​ന്ന് വാ​ശി​പി​ടി​ക്കു​ന്ന​തോ​ടെ രാ​ത്രി വൈ​കി​യും ബാ​ങ്ക് അ​ട​ക്കാ​ൻ ക​ഴി​യാ​ത്ത സാ​ഹ​ച​ര്യ​വു​മാ​ണ്. പൊ​റു​തി​മു​ട്ടി​യ നി​ക്ഷേ​പ​ക​ർ ബാ​ങ്ക് തു​റ​ക്കാ​ൻ സ​മ്മ​തി​ക്കി​ല്ലെ​ന്ന നി​ല​പാ​ടെ​ടു​ത്തി​രി​ക്കു​ക​യാ​ണ്. ഇ​തോ​ടെ, വ്യാ​ഴാ​ഴ്ച അ​ടി​യ​ന്ത​ര ​ഭ​ര​ണ​സ​മി​തി യോ​ഗം ചേ​ർ​ന്ന് നി​ക്ഷേ​പ​ക​രു​മാ​യി ച​ർ​ച്ച ന​ട​ത്താ​ൻ തീ​രു​മാ​നി​ച്ചി​ട്ടു​ണ്ട്.

യു.​ഡി.​എ​ഫ് ഭ​രി​ക്കു​ന്ന വ​ള​പ​ട്ട​ണം സ​ർ​വി​സ് സ​ഹ​ക​ര​ണ ബാ​ങ്കി​ൽ 13 ഡ​യ​റ​ക്ട​ർ​മാ​രാ​ണു​ള്ള​ത്. ഇ​തി​ൽ ഏ​ഴു​പേ​ർ മു​സ്‍ലിം ലീ​ഗി​ന്റെ​യും ആ​റു​പേ​ർ കോ​ൺ​ഗ്ര​സി​ന്റേ​തു​മാ​ണ്. മി​ക​ച്ച നി​ല​യി​ൽ പ്ര​വ​ർ​ത്തി​ച്ചി​രു​ന്ന ബാ​ങ്ക് അ​ടു​ത്തി​ടെ​യാ​ണ് പ്ര​തി​സ​ന്ധി​യി​ലാ​യ​ത്. പ്ര​ശ്ന​പ​രി​ഹാ​ര​ത്തി​ന് കേ​ര​ള ബാ​ങ്കി​ൽ​നി​ന്ന് അ​ഞ്ച് കോ​ടി വാ​യ്പ പാ​സാ​യെ​ങ്കി​ലും ഫ​യ​ലി​ൽ സ​ഹ​ക​ര​ണ​വ​കു​പ്പി​ൽ​നി​ന്ന് അ​നു​കൂ​ല തീ​രു​മാ​ന​മു​ണ്ടാ​യി​ട്ടി​ല്ല.

ജീ​വ​ന​ക്കാ​രും നി​ക്ഷേ​പ​ക​രും ത​മ്മി​ലെ ബ​ഹ​ളം കാ​ര​ണം വ​ള​പ​ട്ട​ണം പൊ​ലീ​സും വി​ഷ​യ​ത്തി​ലി​ട​പ്പെ​ട്ടി​ട്ടു​ണ്ട്. ബാ​ങ്ക് സെ​ക്ര​ട്ട​റി​യെ വ​ള​പ​ട്ട​ണം പൊ​ലീ​സ് സ്റ്റേ​ഷ​നി​ലേ​ക്ക് വി​ളി​ച്ചു​വ​രു​ത്തി ഇ​ൻ​സ്പെ​ക്ട​ർ അ​നു​ര​ഞ്ജ​ന ച​ർ​ച്ച ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ട്ടി​ല്ല. 10 ജീ​വ​ന​ക്കാ​രു​ള്ള ബാ​ങ്കി​ൽ കാ​ഷ്യ​റു​ടെ കാ​ബി​നി​ൽ ആ​രും ഇ​രി​ക്കാ​ത്ത സ്ഥി​തി​യാ​ണ്.

അ​ന​ർ​ഹ​രാ​യ ചി​ല വാ​യ്പ​ക​ളും തു​ട​ർ​ന്നു​ള്ള കി​ട്ടാ​ക്ക​ട​വു​മാ​ണ് പ്ര​തി​സ​ന്ധി വ​ർ​ധി​ക്കാ​നി​ട​യാ​യ​തെ​ന്നാ​ണ് സൂ​ച​ന. നി​ക്ഷേ​പ​ക​രു​ടെ സാ​ന്നി​ധ്യം ക​ണ​ക്കി​ലെ​ടു​ത്ത് ചി​ല ഇ​ട​പാ​ടു​ക​ൾ പു​റ​ത്തു​വെ​ച്ച് ന​ട​ത്തു​ന്നു​വെ​ന്ന പ​രാ​തി​യു​മു​ണ്ട്. ബാ​ങ്ക് അ​ധി​കൃ​ത​രു​ടെ സ്വ​ന്ത​ക്കാ​രാ​യ ചി​ല​ർ​ക്ക് പ​ണം പി​ൻ​വ​ലി​ക്കാ​ൻ ക​ഴി​യു​ന്ന​താ​യും നി​ക്ഷേ​പ​ക​ർ ആ​രോ​പി​ച്ചു. പ്ര​തി​സ​ന്ധി പ​രി​ഹ​രി​ക്കാ​ൻ വി​വി​ധ ബാ​ങ്കു​ക​ളി​ൽ​നി​ന്ന് ഭ​ര​ണ​സ​മി​തി വാ​യ്പ​ക്ക് ശ്ര​മി​ക്കു​ന്നു​ണ്ട്.

‘ഒ​രേ സ​മ​യം കൂ​ടു​ത​ൽ​ പേ​ർ പ​ണം പി​ൻ​വ​ലി​ക്കു​ന്ന​താ​ണ് പ്ര​ശ്നം’

ക​ണ്ണൂ​ർ: കൂ​ടു​ത​ൽ നി​ക്ഷേ​പ​ക​ർ ഒ​രേ​സ​മ​യം അ​ക്കൗ​ണ്ടി​ൽ​നി​ന്ന് പ​ണം പി​ൻ​വ​ലി​ക്കാ​ൻ ശ്ര​മി​ക്കു​ന്ന​താ​ണ് പ്ര​തി​സ​ന്ധി​യെ​ന്നും വി​ഷ​യം പ​രി​ഹ​രി​ച്ചു​വ​രു​ക​യാ​ണെ​ന്നും വ​ള​പ​ട്ട​ണം സ​ർ​വി​സ് സ​ഹ​ക​ര​ണ ബാ​ങ്ക് ഭ​ര​ണ​സ​മി​തി പ്ര​സി​ഡ​ന്റ് ബി.​ടി. മ​ൻ​സൂ​ർ.

ഏ​ത് ബാ​ങ്കി​നു​മു​ണ്ടാ​കു​ന്ന പ്ര​ശ്ന​മാ​ണി​തെ​ന്നും അ​ദ്ദേ​ഹം പ്ര​തി​ക​രി​ച്ചു. ബാ​ങ്കി​ൽ അ​ഴി​മ​തി​യോ വെ​ട്ടി​പ്പോ ന​ട​ന്നി​ട്ടി​ല്ലെ​ന്ന​ത് ഓ​ഡി​റ്റ് റി​പ്പോ​ർ​ട്ടു​ക​ൾ പ​രി​ശോ​ധി​ച്ചാ​ൽ വ്യ​ക്ത​മാ​കു​മെ​ന്നും കേ​ര​ള ബാ​ങ്കി​ൽ​നി​ന്ന് വാ​യ്പ പാ​സാ​യി​ട്ടു​​ണ്ടെ​ന്നും അ​ദ്ദേ​ഹം വി​ശ​ദീ​ക​രി​ച്ചു.