കണ്ണൂർ തെക്കി ബസാറിലെ കോഫി ഹൗസിന്റെ അടുക്കളക്ക് തീപിടിച്ചപ്പോൾ അഗ്നിശമനസേനാംഗങ്ങൾ അണക്കുന്നു
കണ്ണൂർ: തെക്കി ബസാറിലെ കോഫി ഹൗസിൽ തീപിടിത്തം. അടുക്കളയിലെ വാൾഫാനിനാണ് തീപിടിച്ചത്. ബുധനാഴ്ച രാവിലെ പത്തരയോടെയാണ് സംഭവം. ഷോർട്ട് സർക്യൂട്ടാണ് അപകടകാരണം. അഗ്നിബാധയിൽ ഫാൻ കത്തിനശിച്ചു. തീയും പുകയും പടർന്നത് ഏറെനേരം ആശങ്ക പടർത്തി.
ഫയർഫോഴ്സെത്തി തീയണച്ചു. സംഭവസമയം നിരവധിയാളുകൾ ഭക്ഷണം കഴിക്കാനുണ്ടായിരുന്നു. പുക പടരുന്നതുകണ്ട് എല്ലാവരും ഇറങ്ങിയോടി. അരമണിക്കൂറോളമെടുത്താണ് ഫയർഫോഴ്സ് തീയണച്ചത്. ടൗൺ പൊലീസും സ്ഥലത്തെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.