മാ​ഹി​യി​ൽനി​ന്ന് ഡീ​സ​ലും പെ​ട്രോ​ളും ജി​ല്ല​യി​ലേ​ക്ക് ഒ​ഴു​കു​ന്നു

ക​ണ്ണൂ​ർ: സ​ർ​ക്കാ​റി​നും പ​മ്പു​ട​മ​ക​ൾ​ക്കും ല​ക്ഷ​ങ്ങ​ളു​ടെ ന​ഷ്ട​മു​ണ്ടാ​ക്കി മാ​ഹി​യി​ൽനി​ന്ന് വ​ൻ തോ​തി​ൽ ഡീ​സ​ലും പെ​ട്രോ​ളും വ്യാ​പ​ക​മാ​യി ജി​ല്ല​യി​ലേ​ക്ക് ക​ട​ത്തു​ന്നു. കേ​ര​ള​ത്തി​ലെ ഇ​ന്ധ​ന വി​ല​യെ​ക്കാ​ൾ കു​റ​ഞ്ഞ വി​ല​യി​ലാ​ണ് പു​തു​ച്ചേ​രി സ​ർ​ക്കാ​ർ വി​ൽ​പ​ന ന​ട​ത്തു​ന്ന​ത്. വി​ല​യി​ലു​ള്ള വ്യ​ത്യാ​സം കാ​ര​ണം ദി​നം​പ്ര​തി മാ​ഹി​യി​ൽനി​ന്ന് ഡീ​സ​ലും മ​റ്റും ജി​ല്ല​യി​ലേ​ക്ക് ഒ​ളി​ച്ചു ക​ട​ത്തു​ക​യാ​ണ്. ഒ​രു ലി​റ്റ​റി​ൽ മാ​ത്രം പെ​ട്രോ​ളി​ന് 12 രൂ​പ​യു​ടെ​യും ഡീ​സ​ലി​ന് 11.50 രൂ​പ​യു​ടെ​യും കു​റ​വാ​ണ് കേ​ര​ള​ത്തി​നെ​ക്കാ​ൾ മാ​ഹി​യി​ൽ ല​ഭി​ക്കു​ന്ന​ത്. ഞാ​യ​റാ​ഴ്ച ജി​ല്ല​യി​ൽ സീ​സ​ലി​ന് 95 രൂ​പ​യും പെ​ട്രോ​ളി​ന് 106 രൂ​പ​യു​മാ​ണ് ലി​റ്റ​റി​ന് വി​ല.

അ​തേ​സ​മ​യം, മാ​ഹി​യി​ൽ ഡീ​സ​ലി​ന് 83.90 ഉം ​പെ​ട്രോ​ളി​ന് 93.92 രൂ​പ​യും മാ​ത്ര​മാ​ണ്. ഇ​ത്ര​യും വ​ലി​യ മാ​റ്റം സ്ഥി​ര​മാ​യി ഉ​ണ്ടാ​വു​ന്നു​ണ്ട്. അ​തി​നാ​ൽ നി​ര​വ​ധി വാ​ഹ​ന​ങ്ങ​ൾ മാ​ഹി​യി​ലെ​ത്തി എ​ണ്ണ നി​റ​ക്കാ​റു​ണ്ട്. ഇ​തി​നു പു​റ​മെ​യാ​ണ് മാ​ഹി എ​ണ്ണ വ​ൻ തോ​തി​ൽ ഇ​വി​ടെ​യെ​ത്തി​ച്ച് ചി​ല സം​ഘ​ങ്ങ​ൾ ലാ​ഭം കൊ​യ്യു​ന്ന​ത്.

സ്കൂ​ൾ ബ​സു​ക​ൾ, ചെ​ങ്ക​ൽ ക​രി​ങ്ക​ൽ ക്വാ​റി​ക​ളി​ലെ വാ​ഹ​ന​ങ്ങ​ൾ, ടൂ​റി​സ്റ്റ് ബ​സു​ക​ൾ, ചി​ല സ്വ​കാ​ര്യ ബ​സു​ക​ൾ എ​ന്നി​വ​യി​ൽ നി​റ​ക്കു​ന്ന​തി​നാ​ണ് മാ​ഹി എ​ണ്ണ ക​ട​ത്തിക്കൊ​ണ്ടു​വ​രു​ന്ന​ത്. ക​ണ്ണൂ​രി​ലെ ര​ണ്ട് ബ​സ് സ്റ്റാ​ൻ​ഡു​ക​ൾ, ത​ല​ശ്ശേ​രി, കു​ത്തു​പ​റ​മ്പ്, ഇ​രി​ട്ടി, മ​ട്ട​ന്നൂ​ർ, ത​ളി​പ്പ​റ​മ്പ്, പ​യ്യ​ന്നൂ​ർ ടൗ​ണു​ക​ൾ എ​ന്നി​വി​ട​ങ്ങ​ളി​ലേ​ക്കാ​ണ് മാ​ഹി എ​ണ്ണ വ്യാ​പ​ക​മാ​യി ക​ട​ത്തു​ന്ന​ത്. കാ​ഞ്ഞ​ങ്ങാ​ട്, കാ​സ​ർ​കോ​ട്, കോ​ഴി​ക്കോ​ട്, വ​യ​നാ​ട് എ​ന്നി​വി​ട​ങ്ങ​ളി​ലേ​ക്കും മാ​ഹി എ​ണ്ണ ക​ട​ത്തു​ന്നു​ണ്ട്. ഏ​റ്റ​വും അ​ടു​ത്ത പ്ര​ദേ​ശ​മാ​യ​തി​നാ​ലാ​ണ് ക​ണ്ണൂ​രി​ൽ ഇ​ത് വ്യാ​പ​ക​മാ​യെ​ത്തി​ക്കു​ന്ന​ത്.

25 ശ​ത​മാ​നം വ​രെ ന​ഷ്ടം

മാ​ഹി ഡീ​സ​ലും പെ​ട്രോ​ളും ജി​ല്ല​യി​ലെ​ത്തു​ന്ന​തി​നാ​ൽ ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ൻ, ഭാ​ര​ത് പെ​ട്രോ​ളി​യം, ഹി​ന്ദു​സ്ഥാ​ൻ പെ​ട്രോ​ളി​യം എ​ന്നി​വ​യു​ടെ ക​ണ്ണൂ​ർ സെ​യി​ൽ​സ് ഏ​രി​യ​യി​ൽ വി​ൽ​പ​ന​യി​ൽ 20-25 ശ​ത​മാ​നം വ​രെ വി​ൽ​പ​ന കു​റ​ഞ്ഞ​താ​യി അ​ധി​കൃ​ത​ർ പ​റ​ഞ്ഞു. വാ​ഹ​ന പ​രി​ശോ​ധ​ന​ക്കി​ടെ ഒ​രാ​ഴ്ച മു​മ്പ് പ​യ്യ​ന്നൂ​രി​ൽ മാ​ഹി ഡീ​സ​ൽ ക​ട​ത്തി​യ യു​വാ​വി​നെ പൊ​ലീ​സ് പി​ടി​കൂ​ടി​യി​രു​ന്നു. അ​തൊ​ഴി​ച്ചാ​ൽ അ​ടു​ത്ത കാ​ല​ത്തൊ​ന്നും ജി​ല്ല​യി​ൽ മാ​ഹി എ​ണ്ണ ക​ട​ത്ത് പി​ടി​കൂ​ടി​യി​ട്ടി​ല്ല.

2023 ആ​ഗ​സ്ത് മൂ​ന്നി​ന് ജി​ല്ല പെ​ട്രോ​ളി​യം ഡീ​ലേ​ഴ്സ് അ​സോ​സി​യേ​ഷ​ൻ ക​ല​ക്ട​ർ​ക്കും പൊ​ലീ​സ് മേ​ധാ​വി​ക്കും ജി​ല്ല സ​പ്ലൈ ഓ​ഫി​സ​ർ​ക്കും ഉ​ൾ​പ്പെ​ടെ എ​ണ്ണ ക​ട​ത്ത് ന​ട​ക്കു​ന്നു​ണ്ടെ​ന്നും അ​ത് ത​ട​യ​ണ​മെ​ന്നാ​വ​ശ്യ​പ്പെ​ട്ട് പ​രാ​തി ന​ൽ​കി​യി​രു​ന്നു. എ​ന്നാ​ൽ കാ​ര്യ​മാ​യ ഇ​ട​പെ​ട​ലു​ണ്ടാ​യി​ല്ല. അ​തുകൊ​ണ്ട് മാ​ഹി എ​ണ്ണ ക​ട​ത്ത് ലോ​ബി ക​ച്ച​വ​ടം വ്യാ​പി​പ്പി​ക്കു​ക​യായിരുന്നു. ഉ​ട​മ​ക​ൾ​ക്കു​ണ്ടാ​യ ന​ഷ്ട​ത്തി​നൊ​പ്പം സ​ർ​ക്കാ​റി​നും വ​ലി​യ ന​ഷ്ട​മാ​ണ് ഉ​ണ്ടാ​യി​ക്കൊ​ണ്ടി​രി​ക്കു​ന്ന​ത്. മാ​ഹി എ​ണ്ണ ക​ട​ത്ത് ലോ​ബി​യെ പി​ടി​കൂ​ടേ​ണ്ട​വ​ർ ത​ന്നെ ക​ണ്ണ​ട​ച്ച് ഒ​ത്താ​ശ ചെ​യ്യു​ന്ന​താ​യു​ള്ള ചി​ല വി​വ​ര​ങ്ങ​ളും പു​റ​ത്തു​വ​ന്നി​ട്ടു​ണ്ട്.

ക​ട​ത്താ​ൻ പ്ര​ത്യേ​കം ടാ​ങ്കു​ക​ളും ബോ​ട്ടും

ടൂ​റി​സ്റ്റ് ബ​സു​ക​ളി​ൽ പ്ര​ത്യേ​കം ടാ​ങ്കു​ക​ൾ അ​ധി​ക​മാ​യി ഘ​ടി​പ്പി​ച്ചും വ​ട​ക​ര, കോ​ഴി​ക്കോ​ട് ഭാ​ഗ​ങ്ങ​ളി​ൽ ചെ​ങ്ക​ല്ലും ക​രി​ങ്ക​ല്ലു​ക​ളു​മാ​യി പോ​യി വ​രു​ന്ന ലോ​റി​ക​ളി​ൽ വ​ലി​യ ബാ​ര​ലു​ക​ളി​ൽ നി​റ​ച്ചു​മാ​ണ് മാ​ഹി എ​ണ്ണ ക​ട​ത്തി കൊ​ണ്ടു​വ​രു​ന്ന​ത്. ഒ​റി​ജി​ന​ൽ എ​ന്ന വ്യാ​ജേ​ന ടാ​ങ്ക​ർ ലോ​റി​യി​ൽ നി​റ​ച്ചും മാ​ഹി എ​ണ്ണ എ​ത്തി​ക്കു​ന്നു​ണ്ട്. രാ​ത്രി​യി​ൽ പ​മ്പി​ലെ വെ​ളി​ച്ചം ഓ​ഫാ​ക്കി​യാ​ണ് ടാ​ങ്ക​ർ ലോ​റി​യി​ൽ നി​റ​ക്കു​ന്ന​തെ​ന്ന് ക​ണ്ടെ​ത്തി​യി​ട്ടു​ണ്ട്. ടാ​ങ്ക​റു​ക​ളി​ൽ മാ​ഹി എ​ണ്ണ ക​ട​ത്തി ഇ​വി​ടെ​യെ​ത്തി​ച്ച് വി​ൽ​ക്കു​ക വ​ഴി ല​ക്ഷ​ങ്ങ​ളു​ടെ ലാ​ഭ​മാ​ണ് കൊ​യ്യു​ന്ന​ത്. ഓ​ട്ടോ ടാ​ക്സി​ക​ളി​ൽ ബാ​ര​ലി​ൽ നി​റ​ച്ചും എ​ണ്ണ എ​ത്തി​ക്കു​ന്നു​ണ്ട്. മാ​ഹി​യി​ൽ നി​ന്ന് ബോ​ട്ടു​വ​ഴി അ​ഴി​ക്ക​ലി​ലും മാ​ട്ടൂ​ലി​ലും ഇ​ത്ത​ര​ത്തി​ൽ എ​ണ്ണ ക​ട​ത്തു​ന്നു​ണ്ട്. മ​ത്സ്യ​ബ​ന്ധ​ന ബോ​ട്ടു​ക​ൾ​ക്ക് ഇ​വ വി​ൽ​ക്കു​മ്പോ​ൾ അ​വ​രു​ടെ​യും ലാ​ഭം ഇ​ര​ട്ടി​യാ​ണ്.

വ​ണ്ടി​യി​ൽ നി​റ​ക്കും, കു​പ്പി​യി​ലും ന​ൽ​കും

ക​ണ്ണൂ​രി​ലെ​ത്തി​ക്കു​ന്ന ഡീ​സ​ലും പെ​ട്രോ​ളും ബ​സ് സ്റ്റാ​ൻ​ഡ് മൂ​ല​യി​ൽ നി​ർ​ത്തി​യ വ​ണ്ടി​യി​ൽ വ​ച്ച് പൈ​പ്പ് വ​ഴി​യാ​ണ് ആ​വ​ശ്യ​ക്കാ​രാ​യ വ​ണ്ടി​ക്കാ​ർ​ക്ക് നി​റ​ച്ചു കൊ​ടു​ക്കു​ന്ന​ത്. ഇ​തി​നാ​യി പ്ര​ത്യേ​ക സ്ഥ​ല​ങ്ങ​ളു​മു​ണ്ട്. ജി​ല്ല​യി​ലെ ഉ​ൾ​പ്ര​ദേ​ശ​ങ്ങ​​ളി​ലാ​ണെ​ങ്കി​ൽ കു​പ്പി​ക​ളി​ലും ​മ​റ്റും നി​റ​ച്ചും വി​ൽ​ക്കു​ന്നു​ണ്ട്.

ഒ​ന്നി​ല​ധി​കം വ​ണ്ടി​യു​ള്ള ഉ​ട​മ​ക​ൾ​ക്ക് മാ​ഹി എ​ണ്ണ ഉ​പ​യോ​ഗ​ത്തി​ലൂ​ടെ ഒ​രു​ദി​വ​സം ത​ന്നെ വ​ലി​യ തു​ക ലാ​ഭം ഉ​ണ്ടാ​വു​ന്നു​ണ്ട്. മാ​ഹി വി​ല​യേ​ക്കാ​ൾ കൂ​ട്ടി​യാ​ണ് വി​ൽ​പ​ന​യെ​ങ്കി​ലും കേ​ര​ള വി​ല​യേ​ക്കാ​ൾ കു​റ​വാ​ണെ​ന്ന​തി​നാ​ലാ​ണ് സ്ഥി​രം ക​സ്റ്റ​മ​ർ​മാ​ർ മാ​ഹി എ​ണ്ണ വി​ൽപ​ന​ക്കാ​ർ​ക്കു​ണ്ടാ​യ​ത്.