കണ്ണൂർ: മാസ്റ്റേഴ്സ് അസോസിയേഷൻ കണ്ണൂർ, കാസർകോട് ജില്ല കമ്മിറ്റിയുടെ ആഭിമുഖ്യത്തിൽ മൺസൂൺ അത്ലറ്റിക് മീറ്റ് സംഘടിപ്പിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. മാങ്ങാട്ടുപറമ്പ് കണ്ണൂർ സർവകലാശാല സിന്തറ്റിക് സ്റ്റേഡിയത്തിൽ ആഗസ്റ്റ് 14നാണ് മീറ്റ്. രാവിലെ ഏഴ് മുതൽ മത്സരം ആരംഭിക്കും. 35 വയസ്സിന് മുകളിലുള്ള പുരുഷ -വനിത കായിക താരങ്ങളെ അഞ്ച് വയസ്സിന് വ്യത്യാസത്തിൽ വിവിധ ഗ്രൂപ്പുകളാക്കി 18 ഇനങ്ങളിലാണ് മത്സരം നടക്കുക. 50 വയസ്സിന് താഴെയും മുകളിലുള്ളവർക്കുമായി മിക്സഡ് മിഡ്ലെ റിലേ മത്സരം നടത്തും. ആരോഗ്യമുള്ള മനസ്സും ശരീരവും കാത്തുസൂക്ഷിക്കുന്നതിന് വേണ്ടിയുള്ളതാണ് മാസ്റ്റേഴ്സ് കായിക മേളകളുടെ പ്രധാന ലക്ഷ്യമെന്ന് സംഘാടകർ പറഞ്ഞു. മേളയുടെ ഉദ്ഘാടനം രാവിലെ പത്തിന് എം. വിജിൻ എം.എൽ.എ നിർവഹിക്കും. ധ്യാൻചന്ദ് പുരസ്കാര ജേതാവ് കെ.സി. ലേഖ മുഖ്യാതിഥിയാകും. വാർത്തസമ്മേളനത്തിൽ സംഘാടക സമിതി ചെയർമാൻ അഡ്വ. പി. പ്രഭാകരൻ, അഡ്വ. സി. നാരായണൻ നായർ, ടി.കെ. ബാലകൃഷ്ണൻ, പി.പി. കൃഷ്ണൻ, പി.വി. ചന്ദ്രശേഖരൻ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.