മാഹി പുഴയോര നടപ്പാത ഇരുട്ടിലായി

മാഹി: പുഴയോര നടപ്പാതയിൽ സ്ഥാപിച്ച ബൾബുകളുടെ സ്വിച്ച് നിയന്ത്രണ ബോർഡുകൾ ചൊവ്വാഴ്ച വൈകീട്ട് 6.30ഓടെ കത്തിനശിച്ചു. കാലപ്പഴക്കംമൂലം ദ്രവിച്ച ബോർഡുകളിൽ ഷോർട്ട് സർക്യൂട്ട് ഉണ്ടായതാണ് കാരണമെന്ന് സംശയിക്കുന്നു. കുറെ നാളുകളായി പുഴയോര നടപ്പാത ഇരുട്ടിലായത് ജനങ്ങൾക്കിടയിൽ വൻ പ്രതിഷേധമുണ്ടാക്കിയിരുന്നു. തുടർന്ന് ഏതാനും ദിവസങ്ങൾക്കുമുമ്പാണ് അറ്റകുറ്റപ്പണികൾ തീർത്ത് ബൾബുകൾ വീണ്ടും പ്രകാശിപ്പിച്ചത്. മാഹി പാലം മുതൽ അഡ്മിനിസ്ട്രേറ്ററുടെ ഓഫിസ് വരെയുള്ള ഭാഗത്തെ ബൾബുകളുടെ നിയന്ത്രണ ബോർഡാണ് കത്തിനശിച്ചത്.