പാനൂർ: പൊയിലൂർ മണ്ഡലം കോൺഗ്രസ് സെക്രട്ടറി പാറയുള്ളപറമ്പത്ത് കെ.പി. ചിത്രന്റെ ബൈക്ക് സാമൂഹിക വിരുദ്ധർ തീവെച്ച് നശിപ്പിച്ചു. ഞായറാഴ്ച പുലർച്ചെ ഒന്നോടെ ആയിരുന്നു സംഭവമെന്ന് വീട്ടുകാർ പറഞ്ഞു. ചിത്രന്റെ വീട്ടുമുറ്റത്ത് നിർത്തിയിട്ട ബൈക്കാണ് വീടിനോട് തന്നെ ചേർന്ന് മാറ്റിയിട്ട ശേഷം തീയിട്ടത്. തീ ആളിപ്പടരുന്നത് കണ്ട് വീട്ടുകാർ പുറത്തുവന്ന് നോക്കുമ്പോഴാണ് ബൈക്ക് കത്തുന്നത് കണ്ടത്. ഉടൻ തന്നെ കൊളവല്ലൂർ പൊലീസ് സ്റ്റേഷനിൽ വിവരം അറിയിക്കുകയായിരുന്നു. വീട്ടുമുറ്റത്ത് കെട്ടിയ ടാർപായയും കത്തിനശിച്ചു. കൊളവല്ലൂർ പൊലീസ് അന്വേഷണം ആരംഭിച്ചു. സംഭവത്തിൽ കോൺഗ്രസ് പൊയിലൂർ മണ്ഡലം കമ്മിറ്റി പ്രതിഷേധിച്ചു. ഡി.സി.സി ജനറൽ സെക്രട്ടറി കെ.പി. സാജു, മണ്ഡലം പ്രസിഡന്റ് വി. വിപിൻ, എം.കെ. രാജൻ, പി. കൃഷ്ണൻ എന്നിവർ സ്ഥലം സന്ദർശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.