തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ബാബു അച്ചാരത്ത് മെമ്മോറിയൽ ട്രോഫി ജില്ല എ ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ ടെലിച്ചറി സ്റ്റുഡന്റ്സ് സ്പോർട്ടിങ് ക്ലബ് അഞ്ച് വിക്കറ്റിന് തലശ്ശേരി ബി.കെ 55 ക്രിക്കറ്റ് അക്കാദമിയെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ബി.കെ 55 ക്രിക്കറ്റ് അക്കാദമി 36.1 ഓവറിൽ 189 റൺസിന് ഓൾ ഔട്ടായി. സംഗീത് സാഗർ 64 റൺസും അക്ഷയ എ. സദാനന്ദൻ 31 റൺസുമെടുത്തു. സ്റ്റുഡന്റ്സിന് വേണ്ടി അഖ്വിൽ 39 റൺസിന് നാല് വിക്കറ്റും കിരൺ 42 റൺസിന് മൂന്ന് വിക്കറ്റും വീഴ്ത്തി. മറുപടിയായി സ്റ്റുഡന്റ്സ് സ്പോർട്ടിങ് ക്ലബ് 36.5 ഓവറിൽ അഞ്ച് വിക്കറ്റ് നഷ്ടത്തിൽ വിജയലക്ഷ്യം നേടി. ഇജാസ് 58 റൺസും ആദിത്യ പുറത്താകാതെ 55 റൺസുമെടുത്തു. ബി.കെ. ക്രിക്കറ്റ് അക്കാദമിക്ക് വേണ്ടി ദിജുദാസ് രണ്ട് വിക്കറ്റ് വീഴ്ത്തി. 58 റൺസും ഒരു വിക്കറ്റും നേടി സ്റ്റുഡന്റ്സ് സ്പോർട്ടിങ് ക്ലബ് താരം ഇജാസ് മാൻ ഓഫ് ദ മാച്ചായി. ചൊവ്വാഴ്ചത്തെ മത്സരത്തിൽ ധർമടം ഒഴയിൽ ഭാഗം ക്രിക്കറ്റ് ക്ലബ് ഗവ. ബ്രണ്ണൻ കോളജിനെ നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.