മാതമംഗലം ഗവ. ഇന്‍സ്റ്റിറ്റ്യൂട്ട് ഓഫ് ടീച്ചര്‍ എജുക്കേഷന് പുതിയ കെട്ടിടമൊരുങ്ങി

പയ്യന്നൂർ: ജില്ല പഞ്ചായത്ത് മാതമംഗലം വ്യവസായ എസ്റ്റേറ്റിനു സമീപം ഗവ. ഇൻസ്റ്റിറ്റ്യൂട്ട് ഓഫ് എജുക്കേഷനുവേണ്ടി നിർമിച്ച കെട്ടിടം ഉദ്ഘാടന സജ്ജമായി. കെട്ടിട ഉദ്ഘാടനം അടുത്ത മാസം 16ന് വിദ്യാഭ്യാസ മന്ത്രി വി. ശിവൻകുട്ടി നിർവഹിക്കും. 1987 -88 അധ്യയന വർഷത്തിലാണ് ഗവ. ടീച്ചർ ട്രെയിനിങ് ഇൻസ്റ്റിറ്റ്യൂട്ട് മാതമംഗലത്ത് പ്രവർത്തനം ആരംഭിച്ചത്. മാതമംഗലം ഹൈസ്കൂകൂളിന് സമീപത്താണ് ടി.ടി.ഐ പ്രവർത്തിച്ചിരുന്നത്. അസൗകര്യങ്ങളാൽ വീർപ്പുമുട്ടിയതോടെയാണ് പുതിയ സ്ഥലവും കെട്ടിടവുമെന്ന സ്വപ്നം യാഥാർഥ്യമായത്. ജില്ല പഞ്ചായത്ത് മാതമംഗലം വ്യവസായ എസ്റ്റേറ്റിനു സമീപം 5.13 ഏക്കർ ഭൂമി വിലക്കു വാങ്ങിയാണ് പുതിയ കെട്ടിടം ഒരുക്കിയത്. 1.18 കോടി രൂപ ചെലവിലാണ് പുതിയ കെട്ടിടം നിർമിച്ചിരിക്കുന്നത്. 2021 -22 വർഷത്തെ വാർഷിക പദ്ധതിയിൽ ഉൾപ്പെടുത്തി ജില്ല പഞ്ചായത്ത് 25 ലക്ഷം രൂപയുടെ ആധുനിക രീതിയിലുള്ള ഫർണിച്ചറുകളും ഒരുക്കിയിട്ടുണ്ട്. ---- പി. വൈ. ആർ ഐ.ടി.ഇ നിർമാണം പൂർത്തിയായ മാതമംഗലം ടീച്ചർ എജുക്കേഷൻ കെട്ടിടം