നിരത്തിലിറങ്ങി കാട്ടു​പോത്തുകൾ; വിറച്ച്​ യാത്രക്കാർ

തൊ​ടു​പു​ഴ: മൂ​ന്നാ​റി​ലും മ​റ​യൂ​രി​ലും കാ​ട്ടു​പോ​ത്തു​ക​ൾ ജ​ന​വാ​സ മേ​ഖ​ല​യി​ൽ ഇ​റ​ങ്ങു​ന്ന​ത്​ ഭീ​തി പ​ര​ത്തു​ന്നു. മ​റ​യൂ​രി​ല്‍ നി​ന്നും ത​മി​ഴ്നാ​ട്ടി​ലേ​ക്ക് പോ​യ ജീ​പ്പ്​ കാ​ട്ടു​പോ​ത്ത്​ ക​ഴി​ഞ്ഞ ദി​വ​സം അ​ക്ര​മി​ച്ചു. സം​ഭ​വ​ത്തി​ൽ യു​വ​തി​ക്ക്​ പ​രി​ക്കേ​റ്റു.മ​റ​യൂ​ര്‍ - ഉ​ദു​മ​ല​പേ​ട്ട റോ​ഡി​ല്‍ ആ​ലാം​പെ​ട്ടി ഇ​ക്കോ​ഷോ​പ്പ് ഭാ​ഗ​ത്ത് വ​ച്ചാ​ണ് ആ​ക്ര​മ​ണം ഉ​ണ്ടാ​യ​ത്. മ​റ​യൂ​ര്‍ ചെ​റു​വാ​ട് ഭാ​ഗ​ത്ത് നി​ന്നും ത​മി​ഴ്നാ​ട്ടി​ലെ അ​വി​നാ​ശി​യി​ലേ​ക്ക് പോ​യ ഒ​മ്പ​തം​ഗ സം​ഘം സ​ഞ്ച​രി​ച്ച വാ​ഹ​ന​ത്തി​ലേ​ക്ക് കാ​ട്ടു​പോ​ത്ത് ഓ​ടി​യെ​ത്തി ഇ​ടി​ക്കു​ക​യാ​യി​രു​ന്നു.

ഇ​ടി​യു​ടെ ആ​ഘാ​ത​ത്തി​ല്‍ ജീ​പ്പി​ലു​ണ്ടാ​യി​രു​ന്ന ഗാ​യ​ത്രി എ​ന്ന യു​വ​തി വാ​ഹ​ന​ത്തി​ല്‍ നി​ന്നും പു​റ​ത്തേ​ക്ക് തെ​റി​ച്ചു വീ​ണു. പ​രി​ക്കേ​റ്റ് യു​വ​തി ഉ​ദു​മ​ല്‍പേ​ട്ട ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്.മൂ​ന്നാ​ർ ന​ല്ല ത​ണ്ണി​യി​ലും കാ​ട്ടു​പോ​ത്ത്​ എ​ത്തി. തി​ങ്ക​ളാ​ഴ്ച വൈ​കി​ട്ട് മൂ​ന്ന് മ​ണി​യോ​ടെ എ​ത്തി​യ കാ​ട്ടു​പോ​ത്ത് ല​യ​ങ്ങ​ൾ​ക്ക് സ​മീ​പ​ത്തു​മെ​ത്തി. ല​യ​ങ്ങ​ളോ​ടു ചേ​ർ​ന്നു​ള്ള വ​ഴി​യി​ലൂ​ടെ ന​ട​ന്ന് നീ​ങ്ങി​യ കാ​ട്ടു​പോ​ത്ത് പി​ന്നീ​ട് കാ​ട് ക​യ​റി. മൂ​ന്നാ​റി​ലി​റ​ങ്ങി​യ കാ​ട്ടു​പോ​ത്ത്​ കാ​ര്യ​മാ​യ നാ​ശ​ന​ഷ്ട​ങ്ങ​ൾ ഉ​ണ്ടാ​ക്കി​യി​ല്ലെ​ങ്കി​ലും ജ​ന​വാ​സ മേ​ഖ​ല​യി​ൽ തു​ട​ർ​ച്ച​യാ​യി കാ​ട്ടു​പോ​ത്തെ​ത്തു​ന്ന​തി​ന്‍റെ ആ​ശ​ങ്ക​യി​ലാ​ണ് പ്ര​ദേ​ശ​വാ​സി​ക​ൾ.