ഭക്ഷ്യയോഗ്യമല്ലാത്ത മീൻ; ഭക്ഷ്യസുരക്ഷ വിഭാഗം പരിശോധന വ്യാപിപ്പിക്കുന്നു

തൊ​ടു​പു​ഴ: ട്രോ​ളി​ങ് നി​രോ​ധ​ന​ത്തെ തു​ട​ർ​ന്ന്​ പ​ഴ​കി​യ മീ​നു​ക​ൾ വി​ൽ​പ​ന​ക്ക്​ എ​ത്തു​ന്നു​വെ​ന്ന വി​വ​ര​ങ്ങ​ളു​​ടെ അ​ടി​സ്ഥാ​ന​ത്തി​ൽ പ​രി​ശോ​ധ​ന വ്യാ​പി​പ്പി​ക്കാ​ൻ ഭ​ക്ഷ്യ​സു​ര​ക്ഷ വ​കു​പ്പ്. മ​ത്സ്യം വാ​ങ്ങു​ന്ന​വ​ർ ന​ല്ല മീ​നാ​ണെ​ന്നു ഉ​റ​പ്പു​വ​രു​ത്തി​യേ വാ​ങ്ങാ​വൂ എ​ന്നും നി​ർ​ദേ​ശം.

ക​ഴി​ഞ്ഞ ദി​വ​സ​ങ്ങ​ളി​ൽ സം​സ്ഥാ​ന​ത്ത് വി​വി​ധ​യി​ട​ങ്ങ​ളി​ൽ​നി​ന്നാ​ണ് ഭ​ക്ഷ്യ​യോ​ഗ്യ​മ​ല്ലാ​ത്ത മീ​നു​ക​ൾ പി​ടി​കൂ​ടി​യ​ത്. ജി​ല്ല​യി​ൽ ക​ല​ക്ട​റു​ടെ നി​ർ​ദേ​ശ​പ്ര​കാ​രം ചെ​റു​തോ​ണി​യി​ലും പ​രി​സ​ര​ങ്ങ​ളി​ലും ക​ഴി​ഞ്ഞ​യാ​ഴ്ച ന​ട​ത്തി​യ പ​രി​ശോ​ധ​ന​യി​ൽ പ​ഴ​ക്കം ചെ​ന്ന 27 കി​ലോ​യോ​ളം മ​ത്സ്യം പി​ടി​ച്ചെ​ടു​ത്ത് ന​ശി​പ്പി​ച്ചു. ഭ​ക്ഷ്യ​സു​ര​ക്ഷാ വ​കു​പ്പ്, വാ​ഴ​ത്തോ​പ്പ് പ​ഞ്ചാ​യ​ത്ത് ആ​രോ​ഗ്യ​വി​ഭാ​ഗം, ഫി​ഷ​റീ​സ് വ​കു​പ്പ് എ​ന്നി​വ​ർ സം​യു​ക്ത​മാ​യാ​ണ് പ​രി​ശോ​ധ​ന ന​ട​ത്തി​യ​ത്. ഹൈ ​റാ​പി​ഡ് ഫോ​ർ​മ​ലി​ൻ ടെ​സ്റ്റ് കി​റ്റ് അ​ട​ക്ക​മു​ള്ള​വ ഉ​പ​യോ​ഗി​ച്ചാ​യി​രു​ന്നു പ​രി​ശോ​ധ​ന. രാ​സ​മാ​ലി​ന്യം ക​ല​ർ​ന്ന മ​ത്സ്യം വി​ൽ​ക്കു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കാ​ൻ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്ക് ക​ല​ക്ട​ർ നി​ർ​ദേ​ശം ന​ൽ​കി​യി​ട്ടു​ണ്ട്. ഇ​തി​നാ​യി പ്ര​ത്യേ​ക സ്ക്വാ​ഡു​ക​ൾ രൂ​പ​വ​ത്​​ക​രി​ച്ചു. ജി​ല്ല​യി​ൽ മ​ത്സ്യ വി​ൽ​പ​ന കേ​ന്ദ്ര​ങ്ങ​ളി​ൽ വ​രും ദി​വ​സ​ങ്ങ​ളി​ൽ പ​രി​ശോ​ധ​ന ശ​ക്ത​മാ​ക്കാ​നാ​ണ്​ ഭ​ക്ഷ്യ​സു​ര​ക്ഷ വ​കു​പ്പി​ന്റെ തീ​രു​മാ​നം.

പ​ല ക​ട​ക​ളി​ലും മീ​നു​ക​ൾ ശ​രി​യാ​യ വി​ധം ഐ​സി​ടാ​തെ​യാ​ണ് സൂ​ക്ഷി​ച്ച് വി​ൽ​പ​ന ന​ട​ത്തു​ന്ന​തെ​ന്നും ഇ​തു മീ​ൻ പെ​ട്ടെ​ന്ന് കേ​ടാ​കാ​ൻ കാ​ര​ണ​മാ​കു​മെ​ന്നും അ​ധി​കൃ​ത​ർ പ​റ​യു​ന്നു. മ​തി​യാ​യ ശീ​തീ​ക​ര​ണ സം​വി​ധാ​ന​മി​ല്ലാ​തെ ദി​വ​സ​ങ്ങ​ളോ​ളം വാ​ഹ​ന​ത്തി​ലി​രു​ന്ന് കേ​ടാ​യ മീ​നും വി​പ​ണി​യി​ൽ എ​ത്തു​ന്നു​ണ്ട്. ചൂ​ര, കേ​ര തു​ട​ങ്ങി​യ മീ​നു​ക​ളാ​ണ് കൂ​ടു​ത​ലും പ​ഴ​കി​യ നി​ല​യി‍ൽ ക​ണ്ടെ​ത്തി​യി​ട്ടു​ള്ള​ത്.

ന​ല്ല മീ​നു​ക​ൾ​ക്കൊ​പ്പം പ​ഴ​കി​യ​തും കൂ​ട്ടി​ക്ക​ല​ർ​ത്തി​യാ​ണ് പ​ല​യി​ട​ങ്ങ​ളി​ലും വി​ൽ​പ​ന. അ​തേ​സ​മ​യം, പ​രി​ശോ​ധ​ന​ക​ളി​ൽ മീ​നി​ൽ രാ​സ​വ​സ്തു​ക്ക​ളു​ടെ സാ​ന്നി​ധ്യം ക​ണ്ടെ​ത്തി​യി​ട്ടി​ല്ലെ​ന്നു അ​ധി​കൃ​ത​ർ പ​റ​ഞ്ഞു. മ​ത്സ്യ വി​ൽ​പ​ന സ്ഥാ​പ​ന​ങ്ങ​ൾ ഒ​രു കി​ലോ മീ​നി​ൽ ഒ​രു കി​ലോ ഐ​സ് എ​ന്ന തോ​തി​ൽ ഇ​ട​ണ​മെ​ന്നു അ​ധി​കൃ​ത​ർ അ​റി​യി​ച്ചു.

പ​ഴ​കി​യ​തോ രാ​സ​വ​സ്തു​ക്ക​ൾ ക​ല​ർ​ത്തി​യ​തോ ആ​യ മീ​ൻ വി​ൽ​പ​ന ന​ട​ത്തു​ന്ന​താ​യി ക​ണ്ടെ​ത്തി​യാ​ൽ ക​ട അ​ട​പ്പി​ക്കു​ന്ന​ത് ഉ​ൾ​പ്പെ​ടെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും അ​ധി​കൃ​ത​ർ പ​റ​ഞ്ഞു.