പട്ടയം തരാമെന്ന ഉറപ്പ്; അമ്മിണിയുടെ സമരത്തിന്​ താൽക്കാലിക വിരാമം

തൊ​ടു​പു​ഴ: നാ​ല്​ പ​തി​റ്റാ​ണ്ടി​ലേ​റെ​യാ​യി കൈ​വ​ശ​മു​ള്ള ഭൂ​മി​ക്ക്​ പ​ട്ട​യം തേ​ടി താ​ലൂ​ക്ക്​​ ഓ​ഫി​സി​നു മു​ന്നി​ൽ അ​മ്മി​ണി​യെ​ന്ന 73കാ​രി ന​ട​ത്തി​വ​ന്ന സ​മ​ര​ത്തി​ന്​ നാ​ലാം ദി​വ​സം താ​ൽ​ക്കാ​ക്കാ​ലി​ക വി​രാ​മം. 25ന്​ ​ന​ട​ത്തു​ന്ന ഹി​യ​റി​ങ്ങി​ന്​ ശേ​ഷം പ​ട്ട​യം ന​ൽ​കാ​ൻ ന​ട​പ​ടി​യു​ണ്ടാ​കു​മെ​ന്ന ത​ഹ​സി​ൽ​ദാ​ർ എ.​എ​സ്​ ബി​ജി​മോ​ളു​ടെ ഉ​റ​പ്പി​ലാ​ണ്​ സ​മ​രം അ​വ​സാ​നി​പ്പി​ച്ച​ത്.

ഈ ​മാ​സം 17നാ​ണ്​ ആ​ല​ക്കോ​ട് ക​ല​യ​ന്താ​നി കു​റി​ച്ചി​പ്പാ​ടം ആ​ല​യ്ക്ക​ല്‍ അ​മ്മി​ണി തൊ​ടു​പു​ഴ മി​നി സി​വി​ൽ സ്​​റ്റേ​ഷ​നി​ലെ താ​ലൂ​ക്ക്​​ ഓ​ഫി​സി​നു മു​ന്നി​ൽ സ​മ​രം തു​ട​ങ്ങി​യ​ത്. 2003 മു​ത​ൽ പ​ട്ട​യ​ത്തി​നു​ള്ള അ​പേ​ക്ഷ​യു​മാ​യി ഇ​വ​ർ ഓ​ഫി​സു​ക​ൾ ക​യ​റി​യി​റ​ങ്ങു​ക​യാ​ണ്. അ​തി​നി​ട​യി​ൽ ഭ​ർ​ത്താ​വ്​ കൊ​ച്ചു​കു​ഞ്ഞ്​ മ​രി​ച്ചു.

അ​തോ​ടെ മ​ക്ക​ളി​ല്ലാ​ത്ത അ​മ്മി​ണി ത​നി​ച്ചാ​യി. 1975 മു​ത​ൽ ക​ല​യ​ന്താ​നി​യി​ലെ സ​ർ​ക്കാ​ർ ത​രി​ശ്​ ഭൂ​മി​യി​ൽ താ​മ​സി​ച്ചു​വ​രി​ക​യാ​യി​രു​ന്നു. അ​തി​നി​ടെ റി​ട്ട. വി​ല്ലേ​ജ്​ ഓ​ഫി​സ്​ ജീ​വ​ന​ക്കാ​ര​ൻ കൂ​ടി​യാ​യ അ​യ​ൽ​വാ​സി വ​സ്തു കൈ​യേ​റി മ​തി​ൽ​കെ​ട്ടി​യ​ത്​ പ​ട്ട​യം കി​ട്ടാ​ൻ ത​ട​സ്സ​മാ​യ​താ​യി അ​മ്മി​ണി പ​റ​യു​ന്നു.

‘സി​റ്റി​ങ് ക​ഴി​ഞ്ഞ്​ പ​ട്ട​യം കി​ട്ടി​യി​ല്ലെ​ങ്കി​ൽ ഞാ​ൻ ഇ​നി​യും വ​രും. പ​ട്ട​യം കി​ട്ടി​യി​ല്ലെ​ങ്കി​ൽ താ​ലൂ​ക്ക്​ ഓ​ഫി​സി​ന്‍റെ പ​ടി​ക്ക​ൽ മ​ര​ണം​വ​രെ കി​ട​ക്കും’ -അ​മ്മി​ണി ത​റ​പ്പി​ച്ചു പ​റ​ഞ്ഞു.