തോ​ട്ടം മേ​ഖ​ല​യി​ലെ കു​ട്ടി​ക​ളു​ടെ സു​ര​ക്ഷ​ക്ക്​ പ​ദ്ധ​തി

തൊ​ടു​പു​ഴ: തോ​ട്ടം മേ​ഖ​ല​യി​ലെ കു​ട്ടി​ക​ളു​ടെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​നും സു​ര​ക്ഷി​ത​ത്വം ഉ​റ​പ്പാ​ക്കു​ന്ന​തി​നും വേ​ണ്ടി​ പ​ദ്ധ​തി ത​യാ​റാ​കു​നു. ജി​ല്ല വി​ക​സ​ന ക​മീ​ഷ​ണ​ർ, ജി​ല്ല ശി​ശു​ സം​ര​ക്ഷ​ണ ഓ​ഫി​സ​ർ എ​ന്നി​വ​രു​ടെ മേ​ൽ​നേ​ട്ട​ത്തി​ൽ ഇ​തു​സം​ബ​ന്ധി​ച്ച്​ ​ പ​ദ്ധ​തി​യു​ടെ രൂ​പ​രേ​ഖ ത​യാ​റാ​ക്കി​. കു​ട്ടി​ക​ൾ​ക്ക്​ നേ​രെ​യു​ള്ള അ​തി​ക്ര​മ​ങ്ങ​ൾ​ക്കെ​തി​രെ​യു​ള്ള ബോ​ധ​വ​ത്​​ക​ര​ണ​വും ഇ​തോ​ടൊ​പ്പം ല​ക്ഷ്യ​മി​ടു​ന്നു.

ചെ​റി​യ കു​ട്ടി​ക​ൾ​ക്ക്​ കാ​ർ​ട്ടൂ​ൺ മൊ​ഡ്യൂ​ൾ ത​യാ​റാ​ക്കി അ​വ​രെ ബോ​വ​ത്​​ക​രി​ക്കു​ന്ന​ത​ട​ക്ക​മു​ള്ള പ​രി​പാ​ടി​ക​ളാ​ണ്​ വി​ഭാ​വ​നം ചെ​യ്യു​ന്ന​ത്​​​. സ​മ​ഗ്ര ശി​ക്ഷ കേ​ര​ള, തൊ​ഴി​ൽ വ​കു​പ്പ്, പൊ​ലീ​സ്​ തു​ട​ങ്ങി​യ മ​റ്റു വ​കു​പ്പു​ക​ളു​ടെ​കൂ​ടി അ​ഭി​പ്രാ​യ​ങ്ങ​ൾ​തേ​ടി പ​ദ്ധ​തി​യു​ടെ ത​യാ​റാ​ക്കി​വ​രു​ക​യാ​ണെ​ന്നും 30ന്​ ​ചേ​രു​ന്ന യോ​ഗ​ത്തി​നു​ശേ​ഷം അ​ന്തി​മ രൂ​പ​മാ​കു​മെ​ന്നും ചൈ​ൽ​ഡ്​ പ്രൊ​ട്ട​ക്​​ഷ​ൻ ഓ​ഫി​സ​ർ എം.​യു. ഗീ​ത പ​റ​ഞ്ഞു. എ​ല്ലാ വ​കു​പ്പു​ക​ളു​ടെ​യും സ​ഹ​ക​ര​ണ​ത്തോ​ടെ​യാ​കും പ​ദ്ധ​തി ന​ട​പ്പാ​ക്കു​ക. 

അ​ന്ത​ർ​സം​സ്ഥാ​ന കു​ട്ടി​ക​ൾ​ക്ക്​ സ​ഹാ​യ​കേ​ന്ദ്ര​ങ്ങ​ൾ

അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളു​ടെ കു​ട്ടി​ക​ൾ കൂ​ടു​ത​ലാ​യി അ​ധി​വ​സി​ക്കു​ന്ന സ്ഥ​ല​ങ്ങ​ളി​ൽ അ​വ​രു​ടെ കു​ട്ടി​ക​ൾ​ക്കാ​യി സ​ഹാ​യ​കേ​ന്ദ്ര​ങ്ങ​ൾ ആ​രം​ഭി​ക്കാ​നും​ ഉ​ദ്ദേ​ശി​ക്കു​ന്നു​ണ്ട്​. ഇ​തു​സം​ബ​ന്ധി​ച്ച സ്ഥ​ല​ങ്ങ​ൾ സ​മ​ഗ്ര ശി​ക്ഷ കേ​ര​ള​യു​ടെ നേ​തൃ​ത്വ​ത്തി​ൽ ക​ണ്ടെ​ത്തും. ഉ​ത്ത​രേ​ന്ത്യ​ക്കാ​രാ​ണ് തോ​ട്ട​ങ്ങ​ളി​ലെ തൊ​ഴി​ലാ​ളി​ക​ളി​ലേ​റെ​യും. ഇ​വ​രു​ടെ കു​ട്ടി​ക​ള്‍ പ​ല​രും പ​ഠ​നം മു​ട​ങ്ങി​യ​വ​രാ​ണ്.

ഇ​വ​രെ ഒ​രു​മി​ച്ചു​കൂ​ട്ടി പ്ര​ശ്​​ന​ങ്ങ​ൾ, ആ​വ​ശ്യ​ങ്ങ​ൾ എ​ന്നി​വ മ​ന​സ്സി​ലാ​ക്കി പ​രി​ഹാ​രം കാ​ണു​ക​യാ​ണ്​ ഇ​ത്ത​രം സെൻറ​റു​ക​ൾ കൊ​ണ്ട്​ ഉ​ദ്ദേ​ശി​ക്കു​ന്ന​ത്. കു​ട്ടി​ക​ളു​മാ​യി ബ​ന്ധ​പ്പെ​ട്ട പ്ര​ശ്​​ന​ങ്ങ​ൾ ശ്ര​ദ്ധ​യി​​ൽ​പെ​ട്ടാ​ൽ റി​പ്പോ​ർ​ട്ട്​ ചെ​യ്യു​ന്ന​തി​നാ​യി ത​മി​ഴ്​ തൊ​ഴി​ലാ​ളി​ക​ൾ അ​ധി​വ​സി​ക്കു​ന്ന മേ​ഖ​ല​ക​ളി​ൽ ത​മി​ഴി​ൽ​ത​ന്നെ ല​ഘു​ലേ​ഖ​ക​ള​ട​ക്കം വി​ത​ര​ണം ചെ​യ്യാ​ൻ ഉ​ദ്ദേ​ശി​ക്കു​ന്നു​ണ്ട്. നേ​ര​ത്തേ മ​ല​യാ​ള​ത്തി​ലാ​യി​രു​ന്നു ല​ഘു​ലേ​ഖ​ക​ൾ. ഇ​ത്​ ഈ ​കു​ട്ടി​ക​ൾ​ക്കും ര​ക്ഷി​താ​ക്ക​ൾ​ക്കും മ​ന​സ്സി​ലാ​കു​ന്ന​തി​ന​ട​ക്കം പ്ര​യാ​സം ഉ​ണ്ടാ​ക്കി​യി​രു​ന്നു.

തോ​ട്ടം മേ​ഖ​ല​യി​ലെ കു​ട്ടി​ക​ളു​ടെ സം​ര​ക്ഷ​ണ​വു​മാ​യി ബ​ന്ധ​പ്പെ​ട്ട്​ പ​ദ്ധ​തി ത​യാ​റാ​കു​ക​യാ​ണെ​ന്നും​ ഇ​വ​രു​ടെ അ​ടി​സ്ഥാ​ന​സൗ​ക​ര്യ വി​ക​സ​ന​മാ​ണ്​ ല​ക്ഷ്യ​മി​ടു​ന്ന​തെ​ന്ന്​ ജി​ല്ല വി​ക​സ​ന ക​മീ​ഷ​ണ​ര്‍ അ​ര്‍ജു​ന്‍ പാ​ണ്ഡ്യ​ന്‍ 'മാ​ധ്യ​മ'​ത്തോ​ട്​ പ​റ​ഞ്ഞു. വി​വി​ധ വ​കു​പ്പു​ക​ളു​മാ​യി ഇ​തു​സം​ബ​ന്ധി​ച്ച ച​ർ​ച്ച​ക​ൾ ന​ട​ന്നു​വ​രു​ക​യാ​ണ്. വ​ള​രെ വേ​ഗ​ത്തി​ൽ പ​ദ്ധ​തി ത​യാ​റാ​ക്കി ന​ട​പ്പി​ൽ​വ​രു​ത്തു​മെ​ന്നും അ​ർ​ജു​ൻ പാ​ണ്ഡ്യ​ൻ പ​റ​ഞ്ഞു.     

പി​ള്ള​പ്പു​ര​ക​ളും പ​രാ​തി​പ്പെ​ട്ടി​യും

തോ​ട്ടം മേ​ഖ​ല കേ​​ന്ദ്രീ​ക​രി​ച്ച്​ നേ​ര​ത്തേ ഉ​ണ്ടാ​യി​രു​ന്ന പി​ള്ള​പ്പു​ര​ക​ൾ പു​നഃ​സ്ഥാ​പി​ക്കാ​നും മേ​ഖ​ല​യി​ലെ പ്ര​ധാ​ന ഇ​ട​ങ്ങ​ൾ കേ​ന്ദ്രീ​ക​രി​ച്ച്​ പി​ള്ള​പ്പു​ര​ക​ൾ സ്ഥാ​പി​ക്കാ​നും ആ​ലോ​ച​ന​യു​ണ്ട്​. പ​ല ല​യ​ങ്ങ​ളി​ലു​ം പ​ക​ല്‍സ​മ​യ​ങ്ങ​ളി​ല്‍ മാ​താ​പി​താ​ക്ക​ള്‍ ജോ​ലി​ക്ക് പോ​യാ​ല്‍ കു​ട്ടി​ക​ൾ വീ​ട്ടി​ല്‍ ഒ​റ്റ​ക്കാ​ണ്. തോ​ട്ടം തൊ​ഴി​ലാ​ളി​ക​ളു​ടെ മ​ക്ക​ളെ ജോ​ലി​സ​മ​യ​ത്ത് നോ​ക്കാ​ന്‍ പ്രാ​യ​മേ​റി​യ സ്ത്രീ​ക​ളെ ചു​മ​ത​ല​പ്പെ​ടു​ത്തി പി​ള്ള​പ്പു​ര​ക​ൾ എ​ന്ന​പേ​രി​ല്‍ നേ​ര​ത്തേ ല​യ​ങ്ങ​ൾ കേ​ന്ദ്രീ​ക​രി​ച്ച്​ സം​വി​ധാ​നം ഒ​രു​ക്കി​യി​രു​ന്നു.

ന​ട​ത്തി​വ​ന്നി​രു​ന്ന സം​വി​ധാ​നം വീ​ണ്ടും കൊ​ണ്ടു​വ​രാ​നാ​ണ്​ ആ​ലോ​ചി​ക്കു​ന്ന​ത്. തൊ​ഴി​ലാ​ളി ല​യ​ങ്ങ​ളി​ൽ പ​ല​പ്പോ​ഴും തൊ​ഴി​ലാ​ളി​ക​ളു​​ടെ മ​ക്ക​ളും അ​വ​രു​ടെ മ​ക്ക​ളും വ​രെ താ​മ​സി​ക്കു​ന്നു​ണ്ട്.

തോ​ട്ടം ​മാ​നേ​ജ്​​മെൻറു​ക​ളും അം​ഗ​ൻ​വാ​ടി​ക​ളും വി​വി​ധ വ​കു​പ്പു​ക​ളു​മാ​യി ച​ർ​ച്ച ന​ട​ത്തി​യാ​കും തീ​ര​ു​മാ​നം കൈ​ക്കൊ​ള്ളു​ക. ഇ​തോ​ടൊ​പ്പം ത​ന്നെ കു​ട്ടി​ക​ളു​ടെ പ്ര​ശ്​​ന​ങ്ങ​ൾ അ​വ​ത​രി​പ്പി​ക്കാ​ൻ പ്ര​ദേ​ശ​ങ്ങ​ളി​ൽ പ​രാ​തി​പ്പെ​ട്ടി സ്ഥാ​പി​ക്കു​ന്ന​തും ആ​ലോ​ച​ന​യു​ണ്ട്​. പൊ​തു​സ്ഥ​ല​ങ്ങ​ൾ ഒ​ഴി​വാ​ക്കി കു​ട്ടി​ക​ൾ​ക്ക്​ എ​ളു​പ്പ​ത്തി​ൽ ​എ​ത്തി​ച്ചേ​രാ​ൻ ക​ഴി​യു​ന്ന സ്ഥ​ല​ങ്ങ​ളി​ലാ​കും ഇ​വ സ്ഥാ​പി​ക്കു​ക.