ഇടുക്കി: ആറ് മുതല് 11ാം തരം വരെയുള്ള സ്കൂള് വിദ്യാർഥികള്ക്ക് കേരളത്തിലെ മുന്നിര സ്പോര്ട്സ് സ്കൂളുകളിലേക്കുള്ള സെലക്ഷന് ട്രയൽസ് കട്ടപ്പന കാൽവരി മൗണ്ട് ഹൈസ്കൂളിൽ നടക്കുന്നു. അത്ലറ്റിക്സ്, ബോക്സിങ്, ജൂഡോ, ക്രിക്കറ്റ്, തൈക്വൻഡോ, വോളിബാള്, ബാസ്കറ്റ്ബാള്, ഹോക്കി, റെസ്ലിങ് തുടങ്ങിയ ഇനങ്ങള്ക്കുള്ള സെലക്ഷനാണ് ഏപ്രില് 23ന് നടക്കുന്നത്. വിദ്യാർഥികള് ജനന സര്ട്ടിഫിക്കറ്റും ആധാര് കാര്ഡും രണ്ട് ഫോട്ടോയും സഹിതം രാവിലെ എട്ട് മണിക്ക് മുമ്പ് സ്കൂളിൽ ഹാജരാകണം. മാർച്ചും ധർണയും ഇന്ന് ചെറുതോണി: കേരള കർഷക സംഘം ഇടുക്കി ഏരിയ കമ്മിറ്റിയുടെ ആഭിമുഖ്യത്തിൽ നഗരംപാറ ഫോറസ്റ്റ് ഓഫിസിലേക്ക് ബുധനാഴ്ച മാർച്ചും ധർണയും നടത്തും. രാവിലെ പത്തിന് സി.പി.എം. ജില്ല സെക്രട്ടറി സി.വി. വർഗീസ് ഉദ്ഘാടനം ചെയ്യും. വന്യജീവി ആക്രമണത്തിൽനിന്ന് ജനങ്ങളുടെ ജീവനും സ്വത്തും സംരക്ഷിക്കുക, കൃഷിക്കാരുടെ മേലുള്ള വനപാലകരുടെ കടന്നുകയറ്റവും വികസന പ്രവർത്തനങ്ങൾ തടസ്സപ്പെടുത്തുന്ന നിലപാടും അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് മാർച്ചും ധർണയും. കാഡ്സ് ഗ്രീൻഫെസ്റ്റ് തൊടുപുഴ: കാഡ്സ് സംഘടിപ്പിക്കുന്ന ഗ്രീൻഫെസ്റ്റ് വിത്ത് മഹോത്സവത്തിന് വ്യാഴാഴ്ച കാഡ്സ് വില്ലേജ് സ്ക്വയറിൽ തുടക്കമാകും. പി.ജെ. ജോസഫ് എം.എൽ.എ അധ്യക്ഷത വഹിക്കും. ജലസേചന മന്ത്രി റോഷി അഗസ്റ്റിൻ ഉദ്ഘാടനം ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.