മുട്ടം ടൗണിൽ ഓടകൾ നിറഞ്ഞു

മുട്ടം: മുട്ടത്തെ ഓടകൾ മാലിന്യംനിറഞ്ഞ് ദുർഗന്ധം വമിക്കുന്നു. തൊടുപുഴ-പുളിയന്മല സംസ്ഥാന പാതയിലെ പ്രധാന ടൗണായ മുട്ടത്ത്​, മാലിന്യം ഒഴുക്കുന്നത്​ പൊതുമരാമത്തിന്‍റെ ഓടയിലേക്കാണ്. റോഡിലൂടെ നടക്കണമെങ്കിൽ മൂക്ക് പൊത്തേണ്ട അവസ്ഥയാണ്. മഴപെയ്യുമ്പോൾ ഓടയിലെ മാലിന്യം ചെന്നുപതിക്കുന്നത് ലക്ഷക്കണക്കിന് കുടിവെള്ള സ്രോതസ്സായ മലങ്കര ആറ്റിലും. മലങ്കര പുഴയി​ലെയും ഡാമിലെയും വെള്ളത്തിൽ ക്രമാതീതമായ അളവിൽ കോളിഫോം ബാക്ടീരിയ അടങ്ങിയതായി അടുത്തിടെ കണ്ടെത്തിയിരുന്നു. എന്നിട്ടും ആരോഗ്യവകുപ്പ് അനങ്ങാപ്പാറ നയമാണ് സ്വീകരിക്കുന്നത്. എത്രയും വേഗം ഓടകൾ ശുചീകരിച്ച് മാലിന്യനിക്ഷേപം തടയണമെന്നാണ് നാട്ടുകാരുടെ ആവശ്യം. tdl mltm മാലിന്യം നിറഞ്ഞുകവിഞ്ഞ മുട്ടത്തെ ഓട