പൈനാവ്: ജില്ല സ്പോർട്സ് കൗൺസിലിന്റെ ആഭിമുഖ്യത്തിൽ ജില്ലതല മെയ്ദിന കായികമേളയുടെ ഭാഗമായി മേയ് ഒന്നിന് ഷട്ടിൽ ബാഡ്മിന്റൺ മത്സരങ്ങൾ പൈനാവ് പൂർണിമ ക്ലബിൽ നടക്കും. പുരുഷന്മാർക്കും (ഡബിൾസ്, സിംഗിൾസ്) വനിതകൾക്കും (സിംഗിൾസ്) മത്സരങ്ങൾ ഉണ്ടായിരിക്കും. ഡബിൾസ് മത്സരവിജയികളാകുന്ന ഒന്ന്, രണ്ട് സ്ഥാനക്കാർക്ക് 1501 രൂപ, 1001 രൂപ വീതവും സിംഗിൾസ് വിജയികളാകുന്ന ഒന്ന്, രണ്ട് സ്ഥാനക്കാർക്ക് യഥാക്രമം 1001 രൂപ, 501 രൂപ വീതം കാഷ് അവാർഡും നൽകും. മത്സരത്തിൽ പങ്കെടുക്കാൻ അംഗീകൃത തൊഴിലാളി യൂനിയൻ മുഖേനയോ കമ്പനി/വ്യവസായ സ്ഥാപന മേലധികാരികൾ മുഖേനയോ ഏപ്രിൽ 30ന് വൈകീട്ട് മൂന്നിനുമുമ്പ് ജില്ല സ്പോർട്സ് കൗൺസിൽ ഓഫിസിൽ രജിസ്ട്രേഷൻ നടത്തണം. പങ്കെടുക്കുന്നവർ ഒന്നിന് രാവിലെ 7.30ന് ബന്ധപ്പെട്ട രേഖകളുമായി എത്തണം. ഫോൺ: 04862 - 232499, 9447243224. ജൽജീവൻ മിഷൻ പ്രത്യേക ശിൽപശാല തൊടുപുഴ: കേന്ദ്രസർക്കാർ ശുദ്ധജല വിതരണ പദ്ധതിയായ ജൽജീവൻ മിഷന്റെ ഭാഗമായി കരിങ്കുന്നം ഗ്രാമപഞ്ചായത്തിൽ ഒമ്പത്,10,11,12,13 വാർഡുകളിലെ സാമൂഹിക - രാഷ്ട്രീയ നേതാക്കൾക്ക് പ്രത്യേക ശിൽപശാല സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് ജോജി തോമസ് യോഗം ഉദ്ഘാടനം ചെയ്തു. ക്ഷേമകാര്യ സ്ഥിരം സമിതി അധ്യക്ഷൻ സ്മിത സിറിയക് അധ്യക്ഷത വഹിച്ചു. ഗ്രാമപഞ്ചായത്ത് മെംബർമാരായ ബീന പയസ്, കെ.കെ. തോമസ്, ഹരിദാസ് ഗോപാലൻ എന്നിവർ സംസാരിച്ചു. ഗാന്ധിജി സ്റ്റഡി സെന്റർ മുഖ്യ കാര്യദർശി ഡോ. ജോസ് പോൾ പദ്ധതിയെക്കുറിച്ച് ബോധവത്കരണം നടത്തി. ഗാന്ധിജി സ്റ്റഡി സെന്റർ പ്രോജക്ട് ഓഫിസർമാരായ നൗഫൽ സെയ്ത് സ്വാഗതവും അഞ്ജലി വർഗീസ് നന്ദിയും പറഞ്ഞു. ചിത്രം - TDL JALJEEVAN ജൽ ജീവൻ മിഷന്റെ ഭാഗമായി കരിങ്കുന്നം പഞ്ചായത്ത് സംഘടിപ്പിച്ച പ്രത്യേക ശിൽപശാല
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.