ആണ്ടവൻകുടി ഉപതെരഞ്ഞെടുപ്പ്: രമ്യ കോൺഗ്രസ് സ്ഥാനാർഥി

മൂന്നാർ: ഇടമലക്കുടി ഗ്രാമപഞ്ചായത്തിലെ 11ാം വാർഡായ ആണ്ടവൻകുടിയിൽ നടക്കുന്ന ഉപതെരഞ്ഞെടുപ്പിൽ കോൺഗ്രസ് സ്ഥാനാർഥിയായി രമ്യ ഗണേശൻ മത്സരിക്കും. ആണ്ടവൻകുടിയിൽ നടന്ന തെരഞ്ഞെടുപ്പ് കൺവെൻഷനിൽ ഡി.സി.സി ജനറൽ സെക്രട്ടറി ജി. മുനിയാണ്ടി സ്ഥാനാർഥിയെ പ്രഖ്യാപിച്ചു. വാർഡ്​ അംഗം മരണപ്പെട്ടതിനെ തുടർന്നാണ് ഉപതെരഞ്ഞെടുപ്പ് വേണ്ടിവന്നത്. കഴിഞ്ഞതവണ മൂന്ന് വോട്ടിനാണ് രമ്യ ഇവിടെ പരാജയപ്പെട്ടത്. കോൺഗ്രസ് മണ്ഡലം പ്രസിഡൻറ് അളഗർസാമി അധ്യക്ഷത വഹിച്ചു. ഈശ്വരി രാജൻ ചെയർപേഴ്സണും രാജാങ്കം കൺവീനറുമായി തെരഞ്ഞെടുപ്പ് കമ്മിറ്റി രൂപവത്​കരിച്ചു.