പീരുമേട്: കൊക്കയാർ അഴങ്ങാട് മേഖലകളിൽ കഴിഞ്ഞദിവസം ഉണ്ടായ ഉരുൾപൊട്ടലിൽ ദുരിതം അനുഭവിക്കുന്നവർക്ക് സഹായവുമായി മമ്മൂട്ടിയുടെ കെയർ ആൻഡ് ഷെയർ ഫൗണ്ടേഷൻ. അടിസ്ഥാന സഹായങ്ങൾക്കൊപ്പം പഠന സഹായങ്ങൾ, സ്മാർട്ട് ഫോൺ, പുതിയ വസ്ത്രങ്ങൾ, പാത്രങ്ങൾ, കിടക്കകൾ, സോപ്പുകൾ തുടങ്ങി അവശ്യസാധനങ്ങൾ ഉൾപ്പെടുന്ന കിറ്റുകളും വിതരണം ചെയ്തു. ദുരന്തദിനത്തിന് പിറ്റേന്നുതന്നെ മമ്മൂട്ടിയുടെ നിർദേശമനുസരിച്ച് കെയർ ആൻഡ് ഷെയർ മാനേജിങ് ഡയറക്ടർ ഫാ. തോമസ് കുര്യൻ മരോട്ടിപ്പുഴയും സംഘവും ദുരന്തം നേരിട്ട എല്ലാ സ്ഥലവും സന്ദർശിച്ച് തയാറാക്കിയ റിപ്പോർട്ട് പ്രകാരമാണ് സഹായങ്ങൾ എത്തിക്കുന്നത്. നേരത്തേ കൂട്ടിക്കൽ പ്രദേശങ്ങൾക്ക് സഹായവുമായി കെയർ ആൻഡ് ഷെയർ എത്തിയിരുന്നു. കൊക്കയാർ സി.എസ്.ഐ പള്ളിയിലെ ക്യാമ്പിൽ നടന്ന പരിപാടിയിലാണ് സ്മാർട്ട് ഫോണുകൾ വിതരണം ചെയ്തത്. പെരുവന്താനം കള്ളിവയൽ പാപ്പൻ മെമ്മോറിയൽ സ്കൂളിൽ നടന്ന പരിപാടിയിൽ തുണിക്കിറ്റുകൾ, സോപ്പുകൾ, കിടക്കകൾ, പാത്രങ്ങൾ തുടങ്ങിയവ കെയർ ആൻഡ് ഷെയർ മാനേജിങ് ഡയറക്ടർ ഫാ. തോമസ് കുര്യൻ മരോട്ടിപ്പുഴയിൽനിന്ന് ഇടുക്കി ഡെപ്യൂട്ടി കലക്ടർ എലിസബത്ത് മാത്യൂസ് ഏറ്റുവാങ്ങി. സ്കൂൾ ഡയറക്ടർ ഫാ. ജോർജ് പുളിക്കൻ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.