തൊടുപുഴ: കേരള ഗ്രാമീണ ബാങ്ക് എംപ്ലോയീസ് യൂനിയൻെറയും കേരള ഗ്രാമീണ ബാങ്ക് ഓഫിസേഴ്സ് യൂനിയൻെറയും (ബെഫി) നാലാം സംസ്ഥാന സമ്മേളനം സമാപിച്ചു. ഞായറാഴ്ച രാവിലെ നടന്ന സാംസ്കാരിക സദസ്സിൽ കെ. ജയദേവൻ സംസാരിച്ചു. രണ്ട് ദിവസമായി തൊടുപുഴയിൽ നടന്ന സമ്മേളനത്തിൽ വിവിധ ജില്ലകളിൽ നിന്നായി 41 പ്രതിനിധികൾ സംസാരിച്ചു. എംപ്ലോയീസ് യൂനിയൻ ജനറൽ സെക്രട്ടറി ബിഗേഷ് ഉണ്ണിയൻ ചർച്ചകൾക്ക് മറുപടി പറഞ്ഞു. ഗ്രാമീണ ബാങ്കുകളെ സ്വകാര്യവത്കരിക്കരുത്, ഗ്രാമീണ ബാങ്കിന് ആവശ്യമായ മൂലധനം നൽകാൻ കേന്ദ്രസർക്കാറും സ്പോൺസർ ബാങ്കും തയാറാവുക, കേരള ഗ്രാമീണ ബാങ്കിൽ ആവശ്യത്തിന് ജീവനക്കാരെ നിയമിക്കുക, പൊതുമേഖലയെ സ്വകാര്യവത്കരിക്കരുത്, കോർപറേറ്റ് കൊള്ളക്ക് പാത ഒരുക്കുന്ന കാർഷിക നിയമങ്ങൾ പിൻവലിക്കുക തുടങ്ങിയ പ്രമേയങ്ങൾ പാസാക്കി. ഗ്രാമീണ ബാങ്ക് എംപ്ലോയീസ് യൂനിയൻ ഭാരവാഹികൾ: എൻ. മീന (പ്രസി.), സി.ദീപകുമാർ, വി.പി. ശ്രീരാമൻ (വൈസ് പ്രസി.), ബിഗേഷ് (ജ. സെക്ര.).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.