റോഡിലെ കുഴിയിൽ അപകടം പതിവ്​

കുടയത്തൂർ: അന്ധവിദ്യാലയത്തിന്​ സമീപം റോഡിലെ കുഴി അപകടത്തിനിടയാക്കുന്നു. നേർരേഖയിലെ ഈ റോഡിലൂടെ വേഗത്തിലെത്തുന്ന വാഹനങ്ങൾ കുഴിയുടെ അടുത്തെത്തുമ്പോഴാണ് ശ്രദ്ധിക്കുന്നത്​. കുഴിയിൽ ചാടാതെ വെട്ടിച്ചുമാറ്റുന്നത് അപകടത്തിനു കാരണമാക്കുന്നുണ്ട്​. കുഴിയിൽവീണ് ഇരുചക്ര വാഹനങ്ങൾ അപകടത്തിൽപെടുന്നതും പതിവാണ്​. ഒട്ടേറെ അപകടങ്ങളാണ് ഇവിടെ പ്രതിദിനം ഉണ്ടാകുന്നതെന്നാണ് നാട്ടുകാർ പറയുന്നത്.