തൊടുപുഴ: കുടുംബ കോടതിക്ക് സ്വന്തമായി കെട്ടിടം നിർമിക്കാനുള്ള നടപടി പൂർത്തിയായി. മുട്ടം കോടതി സമുച്ചയ കോമ്പൗണ്ടിലാണ് പുതിയ കെട്ടിടം നിർമിക്കുക. ആറര കോടി ചെലവിൽ നിർമിക്കുന്ന കെട്ടിടത്തിൻെറ ടെൻഡർ പൂർത്തിയാക്കി. നിർമാണം ഉടൻ ആരംഭിക്കും. മൂന്നുനിലകളിലായി 28,000 സ്ക്വയർ അടി വിസ്തീർണം ഉണ്ടാകും. വാഹന പാർക്കിങ് സൗകര്യം കെട്ടിടത്തിൻെറ ബേസ്െമൻറ് നിലയിൽ സജ്ജീകരിക്കും. എല്ലാ ആധുനിക സൗകര്യങ്ങളും കെട്ടിടത്തിൽ ഉണ്ടാകും. വൃദ്ധജനങ്ങൾക്കും ശാരീരിക വൈകല്യമുള്ളവർക്കുമായി പ്രത്യേക സൗകര്യങ്ങൾ ഏർപ്പെടുത്തുമെന്ന് പി.ജെ. ജോസഫ് എം.എൽ.എ അറിയിച്ചു. കെ.എസ്.ടി.എ സംസ്ഥാന സമ്മേളനം; കലാമത്സരം ഇടുക്കി: ഈ മാസം 27, 28 തീയതികളിൽ തിരുവനന്തപുരത്ത് നടക്കുന്ന കെ.എസ്.ടി.എ സംസ്ഥാന സമ്മേളനത്തിൻെറ ഭാഗമായി കലാവേദിയുടെ നേതൃത്വത്തിൽ പൊതുവിദ്യാലയങ്ങളിലെ ഹയർ സെക്കൻഡറിതലം വരെയുള്ള കുട്ടികൾക്ക് കലാമത്സരങ്ങൾ സംഘടിപ്പിക്കും. 17ന് മത്സരങ്ങൾ സംഘടിപ്പിച്ച് ഒന്നാം സ്ഥാനം നേടിയ േപ്രാഗ്രാമിൻെറ വിഡിയോ അന്നേ ദിവസം കെ.എസ്.ടി.എ സബ്ജില്ല സെക്രട്ടറിക്ക് അയച്ചുകൊടുക്കണം. സബ്ജില്ല തലത്തിൽ ഒന്നും രണ്ടും സ്ഥാനങ്ങൾ നേടുന്നവ ജില്ല, സംസ്ഥാനതല മത്സരങ്ങൾക്ക് പരിഗണിക്കും. മത്സരയിനങ്ങൾ: എൽ.പി വിഭാഗം: ആംഗ്യപ്പാട്ട് (ഒന്ന്, രണ്ട് ക്ലാസുകളിലെ കുട്ടികൾക്ക്), പദ്യം ചൊല്ലൽ മലയാളം (മൂന്ന്, നാല് ക്ലാസുകളിലെ കുട്ടികൾക്ക്), യു.പി വിഭാഗം: പദ്യം ചൊല്ലൽ (ഏതുഭാഷയിലുമാകാം), മോണോ ആക്ട്, ഹൈസ്കൂൾ വിഭാഗം: നാടൻപാട്ട്, മോണോ ആക്ട്, ഹയർ സെക്കൻഡറി വിഭാഗം: ഏകപാത്ര നാടകം, ലളിതഗാനം. വിശദവിവരങ്ങൾക്ക് സബ്ജില്ലകൾ തിരിച്ച് മുരുകൻ വി. അയത്തിൽ -7902464910(ഇടുക്കി, തൊടുപുഴ, അറക്കുളം), എം.ആർ. അനിൽകുമാർ -9400593907 (നെടുങ്കണ്ടം, പീരുമേട്), പി.കെ. ഗംഗാധരൻ -9497682931 (അടിമാലി, മൂന്നാർ), അമ്പിളി ജി. -9446274106 (കട്ടപ്പന).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.