കാടുകയറി ശലഭോദ്യാനം

* കണ്ടില്ലെന്നുനടിച്ച് വനംവകുപ്പ് ചെറുതോണി: വനംവകുപ്പി​ൻെറ കീഴിൽ വെള്ളാപ്പാറയിൽ പ്രവർത്തിക്കുന്ന ഫോറസ്​റ്റ്​ ഡോർമിറ്ററിക്ക് സമീപം വർഷങ്ങൾക്ക് മുമ്പ്​ നിർമിച്ച ശലഭോദ്യാനം കാട​ുകയറി നശിക്കുന്നു. വ്യത്യസ്​തമായ ശലഭങ്ങളുടെ ആവാസമേഖലയായ ഈ പ്രദേശത്ത് ഉദ്യാനം നിർമിക്കാൻ തെരഞ്ഞെടുക്കുകയായിരുന്നു. പറവകളെ ആകർഷിക്കുകയും പരാഗണം നടത്തുകയും ചെയ്യുന്ന തരത്തിലുള്ള നിരവധി പൂച്ചെടികളും ഔഷധവൃക്ഷ ചെടികളും നട്ടുപിടിപ്പിച്ചിരുന്നു. എന്നാൽ, അധികാരികളുടെ അവഗണനയിൽ ഇവിടം നശിക്കുകയാണ്. വനംവകുപ്പി​ൻെറ ആസ്ഥാനമായ സഹ്യസാനുവിൽനിന്ന് 100 മീറ്റർ മാത്രം മാറിയാണ് ശലഭോദ്യാനം ഉള്ളത്. ഇടുക്കി, ചെറുതോണി അണക്കെട്ടുകൾ സന്ദർശിക്കാൻ എത്തുന്നവർ ശലഭോദ്യാനവും സന്ദർശിക്കാൻ എത്തിരുന്നു. നൂറുകണക്കിന് വിദ്യാർഥികൾ ശലഭങ്ങളെക്കുറിച്ചും അവയുടെ ആവാസ വ്യവസ്ഥയെക്കുറിച്ചും പഠിച്ച് മനസ്സിലാക്കാൻ ഇവിടെയെത്തിയിരുന്നു. എന്നാൽ, ഉദ്യാനം നശിച്ചതോടെ ഇവിടേക്ക്​ സന്ദർശകർ ആരും ഇപ്പോൾ എത്താറില്ല. ഇടുക്കിയുടെ പൈതൃകമായ ശലഭോദ്യാനം പുനരുദ്ധരിക്കാൻ അധികാരികൾ അടിയന്തര നടപടി സ്വീകരിക്കണമെന്ന ആവശ്യം ശക്തമാകുകയാണ്. TDL BUTTERFLY GARDENING CHNY കാടുകയറി നശിക്കുന്ന ജില്ല ആസ്ഥാനത്തെ ശലഭോദ്യാനം ചരിത്ര എക്സിബിഷൻ നടത്തി നെടുങ്കണ്ടം: എം.ഇ.എസ്​ കോളജ്്് നാഷനൽ സർവിസ്​ സ്​കീം യൂനിറ്റും ഡിപ്പാർട്​മൻെറ്​ ഓഫ് ഹിസ്​റ്ററിയും സംയുക്തമായി റിപ്പബ്ലിക് ദിനം ആഘോഷിക്കുന്നതിൻെറ ഭാഗമായി ഇൻഡോസ്​പെക് 21 ചരിത്ര എക്സിബിഷൻ നടത്തി. സിന്ധു നദീതട സംസ്​കാരം മുതൽ ഇന്ത്യ റിപ്പബ്ലിക് ആകുന്നതുവരെയുള്ള ചരിത്രത്തിൻെറ ഒരു സംക്ഷിപ്ത രൂപം കാണികൾക്ക് നൽകുന്ന തരത്തിലായിരുന്നു എക്സിബിഷൻ തയാറാക്കിയിരുന്നത്. എൻ.എസ്​.എസ്​ വളൻറിയർമാരും ഹിസ്​റ്ററി വിദ്യാർഥികളും ചേർന്നാണ് എക്സിബിഷൻ ഒരുക്കിയത്. പുരാതനം, മധ്യയുഗം, കോളനികാലഘട്ടം, സ്വാതന്ത്ര്യസമരം എന്നീ കാലഘട്ടങ്ങളിലായാണ് ചരിത്രം അവതരിപ്പിച്ചത്. വൈസ്​ പ്രിൻസിപ്പൽ കെ. അബ്്ദുൽ റസാഖ് എക്സിബിഷൻ ഉദ്ഘാടനം ചെയ്തു. എൻ.എസ്​.എസ്​ േപ്രാഗ്രാം ഓഫിസർമാരായ സി.ടി. ഷാനവാസ്​, ടി.എ. ഫാത്തിമ സുല്ലമി, ഹിസ്​റ്ററി വിഭാഗം മേധാവി കെ. ഷരീഫ് എന്നിവർ എക്സിബിഷൻ ഒരുക്കുന്നതിന് നേതൃത്വം നൽകി.