മാലിന്യം തള്ളിയ സംഭവം: പിഴയില്‍ ഇളവ്​ നൽകേണ്ടെന്ന്​ പഞ്ചായത്ത്

മൂലമറ്റം: പൊതുവഴിയില്‍ മാലിന്യം തള്ളിയ സംഭവത്തില്‍ വൈദ്യുതി ബോര്‍ഡിന് ഇളവ് നല്‍കേണ്ടതില്ലെന്ന് അറക്കുളം പഞ്ചായത്ത് തീരുമാനം. തിങ്കളാഴ്ച ഉച്ചകഴിഞ്ഞ് ചേര്‍ന്ന പ്രത്യേക കമ്മിറ്റി യോഗമാണ് തീരുമാനമെടുത്തത്. മേയ് 31ന് വൈദ്യുതി ബോര്‍ഡ് ഉദ്യോഗസ്ഥര്‍ക്ക് യാത്രയയപ്പ് നല്‍കിയതുമായി ബന്ധപ്പെട്ടുണ്ടായ ഭക്ഷണാവശിഷ്ടങ്ങളും മറ്റും പഞ്ചായത്ത് സ്ഥലത്തിട്ട് കത്തിച്ചിരുന്നു. ഇതിനെതിരെ 10,000 രൂപ പിഴയടക്കണമെന്ന്​ ആവശ്യപ്പെട്ട് വൈദ്യുതി ബോര്‍ഡിന് പഞ്ചായത്ത് നൽകിയ നോട്ടീസിനുള്ള മറുപടിയിലാണ്​ പിഴയൊടുക്കുന്നതില്‍ ഇളവ് ആവശ്യപ്പെട്ടത്​. തുടര്‍ന്നാണ് പിഴയൊടുക്കുന്നത് ഒഴിവാക്കാനാകില്ലെന്ന് കമ്മിറ്റി യോഗം തീരുമാനിച്ചത്.