സൂരജ് ഒറാവോൺ, ഹിരാലാൽ ഒറാവോൺ
കൊച്ചി: ബാറിൽ വെച്ച് യുവാവിനെ ക്രൂരമായി മർദിച്ച കേസിൽ പശ്ചിമ ബംഗാൾ സ്വദേശികൾ പിടിയിൽ. ജയ്പാൽ പുരിയിൽനിന്നുള്ള ഹിരാലാൽ ഒറാവോൺ, സൂരജ് ഒറാവോൺ എന്നിവരെയാണ് എളമക്കര പൊലിസ് പിടികൂടിയത്.
ഞായറാഴ്ച വൈകീട്ട് 3.30ന് ഇടപ്പള്ളിയിൽ ബാറിൽ മദ്യപിക്കാൻ എത്തിയ പശ്ചിമ ബംഗാൾ സ്വദേശികൾ തർക്കിക്കുന്നത് കണ്ട് ചോദ്യം ചെയ്ത ഇടപ്പളളി പോണേക്കര സ്വദേശി അനുവിനെയാണ് ഇരുവരും ചേർന്ന് ക്രൂരമായി മർദിച്ചത്. പരിക്കേറ്റ അനു കളമശ്ശേരി മെഡിക്കൽ കോളജിൽ ചികിത്സയിലാണ്.
എളമക്കര പൊലീസ് ഇൻസ്പെക്ടർ എസ്.ആർ. സനീഷിന്റെ നേതൃത്വത്തിൽ എസ്.ഐ അയിൻ ബാബു, എഎസ്.ഐ സെൻ, സി.പി.ഒമാരായ സ്റ്റെവിൻ, ഷൈജു എന്നിവരടങ്ങിയ സംഘമാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.