വിവാഹ സൽക്കാരത്തിൽ പങ്കെടുത്ത150ഓളം പേർക്ക് മഞ്ഞപ്പിത്തം; മാ​റാ​ടി​യി​ലെ കാ​റ്റ​റി​ങ് സ്ഥാ​പ​നം അ​ട​ച്ചു​പൂ​ട്ടാ​ൻ നി​ർ​ദേ​ശം

മൂ​വാ​റ്റു​പു​ഴ: വി​വാ​ഹ സ​ൽ​ക്കാ​ര​ത്തി​ൽ പ​ങ്കെ​ടു​ത്ത 150ഓ​ളം പേ​ർ​ക്ക് മ​ഞ്ഞ​പ്പി​ത്തം. ആ​വോ​ലി പ​ഞ്ചാ​യ​ത്തി​ലെ ന​ടു​ക്ക​ര​യി​ൽ ഒ​രു മാ​സം മു​മ്പ് ന​ട​ന്ന വി​വാ​ഹ സ​ൽ​ക്കാ​ര​ത്തി​ൽ പ​ങ്കെ​ടു​ത്ത​വ​ർ​ക്കാ​ണ് മ​ഞ്ഞ​പ്പി​ത്തം ബാ​ധി​ച്ച​ത്. ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്കാ​ണ് രോ​ഗ​ബാ​ധ സ്ഥി​രീ​ക​രി​ച്ചി​രി​ക്കു​ന്ന​ത്. സം​ഭ​വ​ത്തെ തു​ട​ർ​ന്ന് ആ​രോ​ഗ്യ​വ​കു​പ്പ് വ്യാ​പ​ക പ​രി​ശോ​ധ​ന ന​ട​ത്തി.

ആ​വോ​ലി​ക്കു പു​റ​മെ ച​ട​ങ്ങി​ന് ഭ​ക്ഷ​ണം എ​ത്തി​ച്ച മാ​റാ​ടി പ​ഞ്ചാ​യ​ത്തി​ലും വി​വാ​ഹ​ച​ട​ങ്ങ് ന​ട​ന്ന ആ​ര​ക്കു​ഴ പ​ഞ്ചാ​യ​ത്തി​ലും പ​രി​ശോ​ധ​ന വ്യാ​പ​ക​മാ​ക്കി. ഭ​ക്ഷ​ണം ത​യാ​റാ​ക്കി വി​ള​മ്പി​യ കാ​റ്റ​റി​ങ് ക​മ്പ​നി​യി​ൽ ഉ​പ​യോ​ഗി​ച്ച വെ​ള്ള​ത്തി​ൽ​നി​ന്നാ​ണ്​ രോ​ഗ​ബാ​ധ ഉ​ണ്ടാ​യി​രി​ക്കു​ന്ന​തെ​ന്നാ​ണ് ആ​രോ​ഗ്യ​വി​ഭാ​ഗ​ത്തി​ന്റെ നി​ഗ​മ​നം. ഇ​തേ​തു​ട​ർ​ന്ന് മാ​റാ​ടി​യി​ൽ പ്ര​വ​ർ​ത്തി​ക്കു​ന്ന കാ​റ്റ​റി​ങ് സ്ഥാ​പ​നം അ​ട​ച്ചു​പൂ​ട്ടാ​ൻ ആ​രോ​ഗ്യ​വ​കു​പ്പ് ഞാ​യ​റാ​ഴ്ച നി​ർ​ദേ​ശം ന​ൽ​കി.

ക​ഴി​ഞ്ഞ അ​ഞ്ചി​നാ​യി​രു​ന്നു വി​വാ​ഹം. പ​ള്ളി​യി​ൽ ന​ട​ന്ന വി​വാ​ഹ​ച​ട​ങ്ങി​നു മു​മ്പ്​ മൂ​ന്നാം തീ​യ​തി ന​ടു​ക്ക​ര​യി​ലെ വീ​ട്ടി​ൽ ഒ​രു​ക്കി​യ മ​ധു​രം വ​യ്പി​ൽ പ​ങ്കെ​ടു​ത്ത​വ​ർ​ക്കാ​ണ് മ​ഞ്ഞ​പ്പി​ത്തം ഉ​ണ്ടാ​യി​രി​ക്കു​ന്ന​ത്. അ​ടു​ത്ത ബ​ന്ധു​ക്ക​ളും സു​ഹൃ​ത്തു​ക​ളു​മാ​യ നൂ​റ്റി​യ​മ്പ​തോ​ളം പേ​രാ​ണ് പ​ങ്കെ​ടു​ത്ത​ത്. ആ​വോ​ലി, ആ​ര​ക്കു​ഴ, മ​ഞ്ഞ​ള്ളൂ​ർ പ​ഞ്ചാ​യ​ത്തു​ക​ളി​ൽ​നി​ന്ന്​ കൂ​ടാ​തെ ഇ​ടു​ക്കി ജി​ല്ല​യി​ലെ വി​വി​ധ പ​ഞ്ചാ​യ​ത്തു​ക​ളി​ൽ താ​മ​സി​ക്കു​ന്ന​വ​രും ച​ട​ങ്ങി​ൽ പ​ങ്കെ​ടു​ത്തി​രു​ന്നു. സം​ഭ​വ​ത്തെ തു​ട​ർ​ന്ന് മൂ​വാ​റ്റു​പു​ഴ ബ്ലോ​ക്കി​നു കീ​ഴി​ലെ പ​ണ്ട​പി​ള്ളി പ്രാ​ഥ​മി​ക ആ​രോ​ഗ്യ​കേ​ന്ദ്ര​ത്തി​ൽ​നി​ന്നു​ള്ള വി​ദ​ഗ്ധ സം​ഘം അ​ട​ക്കം വി​വി​ധ കേ​ന്ദ്ര​ങ്ങ​ളി​ൽ പ​രി​ശോ​ധ​ന ന​ട​ത്തി. ബോ​ധ​വ​ത്​​ക​ര​ണ​വും ന​ട​ത്തി. രോ​ഗ​ല​ക്ഷ​ണ​മു​ള്ള​വ​രോ​ട് ആ​ശു​പ​ത്രി​യി​ൽ എ​ത്താ​ൻ നി​ർ​ദേ​ശി​ച്ചി​ട്ടു​ണ്ട്. വി​ശ​ദ​മാ​യ പ​രി​ശോ​ധ​ന​ക്കാ​യി ജി​ല്ല മെ​ഡി​ക്ക​ൽ ഓ​ഫി​സി​ൽ​നി​ന്നു​ള്ള വി​ദ​ഗ്ധ സം​ഘം തി​ങ്ക​ളാ​ഴ്ച എ​ത്തും.

ഒ​രു മാ​സം മു​മ്പാ​ണ് ച​ട​ങ്ങു​ക​ൾ ന​ട​ന്ന​ത്. രോ​ഗ​ല​ക്ഷ​ണ​ങ്ങ​ൾ ഇ​പ്പോ​ഴാ​ണ് പു​റ​ത്തു​വ​ന്ന​ത്. കൂ​ടു​ത​ൽ പേ​ർ​ക്ക് രോ​ഗ​ബാ​ധ ഉ​ണ്ടാ​യി​ട്ടു​ണ്ടോ എ​ന്ന​റി​യാ​ൻ ഇ​നി​യും ദി​വ​സ​ങ്ങ​ൾ വേ​ണ്ടി വ​രു​മെ​ന്ന് ആ​രോ​ഗ്യ​പ്ര​വ​ർ​ത്ത​ക​ർ പ​റ​ഞ്ഞു.