കാലടി: ശ്രീശങ്കര പാലത്തിനുസമീപം എം.സി റോഡിൽ ഹോട്ടലിന് മുന്നിൽ നടന്ന അന്തർസംസ്ഥാന തൊഴിലാളിയുടെ കൊലപാതകത്തിലെ പ്രതി റിമാൻഡിൽ. അസം കക്കോട്ടിബരി സ്വദേശി പ്രാഞ്ചൽ ഗോഗോയിയെയാണ് (31) റിമാൻഡ് ചെയ്തത്. ഞായറാഴ്ച വൈകീട്ട് വാക്തർക്കത്തെ തുടർന്നാണ് ബംഗാൾ സ്വദേശിയായ കമാൽ ഹൊസൈൻ മാലിത്തിയയെ പ്രതി കുത്തി വീഴ്ത്തിയത്.
മൊബൈൽ ഫോൺ കാണാതായതിനെച്ചൊല്ലിയുള്ള തർക്കമാണ് കൊലപാതകത്തിൽ കലാശിച്ചത്. കുത്താൻ ഉപയോഗിച്ച കത്തി കണ്ടെടുത്തു. സി.ഐ എൻ.എ. അനൂപ്, എസ്.ഐമാരായ എം.സി. ഹരീഷ്, ജെ.റോജോമോൻ, പോളച്ചൻ, എസ്.സി.പി.ഒ ജയന്തി, സി.പി.ഒമാരായ രജിത്ത്, ഷാബു, നിസാർ എന്നിവരാണ് അന്വേഷണ സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.