കൊച്ചിയുടെ ഗതാഗതം മെനയാക്കാൻ യൂറോപ് സഹായിക്കും

കൊ​ച്ചി: ഇ​ന്ത്യ- യൂ​റോ​പ്യ​ൻ യൂ​നി​യ​ൻ ന​ഗ​ര പ​ങ്കാ​ളി​ത്ത പ​രി​പാ​ടി​യു​ടെ ഭാ​ഗ​മാ​യി യൂ​റോ​പ്യ​ൻ യൂ​നി​യ​ന്‍റെ നേ​തൃ​ത്വ​ത്തി​ൽ കൊ​ച്ചി കോ​ർ​പ​റേ​ഷ​ന്‍റെ സ​ഹ​ക​ര​ണ​ത്തോ​ടെ 'ന​ഗ​ര സു​സ്ഥി​ര​ത​യും സ്മാ​ർ​ട്ട്സി​റ്റി​ക​ളും' വി​ഷ​യ​ത്തി​ൽ കൊ​ച്ചി​യി​ൽ ന​ട​ന്ന ദ്വി​ദി​ന ശി​ൽ​പ​ശാ​ല സ​മാ​പി​ച്ചു. കൊ​ച്ചി​യു​ടെ ഗ​താ​ഗ​ത ന​വീ​ക​ര​ണ​ത്തി​നാ​യി യൂ​റോ​പ്യ​ൻ യൂ​നി​യ​ന്‍റെ സ​ഹ​ക​ര​ണ​ത്തോ​ടെ സാ​മ്പ​ത്തി​ക - സാ​ങ്കേ​തി​ക ക്ല​സ്റ്റ​ർ രൂ​പ​വ​ത്​​ക​രി​ക്കാ​ൻ തീ​രു​മാ​ന​മാ​യി.

യൂ​റോ​പ്യ​ൻ ന​ഗ​ര​ങ്ങ​ളും കൊ​ച്ചി​യും ത​മ്മി​ൽ ഗ​താ​ഗ​ത മേ​ഖ​ല​യി​ലെ നൂ​ത​ന സാ​ങ്കേ​തി​ക​ത കൈ​മാ​റ്റ​മ​ട​ക്ക​മു​ള്ള കാ​ര്യ​ങ്ങ​ൾ ഈ ​ക്ല​സ്റ്റ​റി​ന്‍റെ ഭാ​ഗ​മാ​കും. ഇ​ന്ത്യ​യി​ലെ തെ​ര​ഞ്ഞെ​ടു​ക്ക​പ്പെ​ട്ട നാ​ല് ന​ഗ​ര​ങ്ങ​ളി​ൽ ന​ട​ത്ത​പ്പെ​ടു​ന്ന ഇ​ന്തോ- യൂ​റോ ന​ഗ​ര സു​സ്ഥി​ര ശി​ൽ​പ​ശാ​ല​ക​ളി​ലെ ആ​ദ്യ​ത്തേ​താ​യി​രു​ന്നു കൊ​ച്ചി​യി​ലേ​ത്. പൊ​തു​ഗ​താ​ഗ​തം പൂ​ർ​ണ​മാ​യി സൗ​ജ​ന്യ​മാ​ക്ക​ണം എ​ന്ന നി​ർ​ദേ​ശ​മാ​ണ് ശി​ൽ​പ​ശാ​ല​യു​ടെ ഭാ​ഗ​മാ​യി ഉ​യ​ർ​ന്ന​ത്.

ആ​ധു​നി​ക ഗ​താ​ഗ​ത​രം​ഗ​ത്തെ കു​റി​ച്ചു​ള്ള സെ​മി​നാ​റു​ക​ളാ​ണ് ശി​ൽ​പ​ശാ​ല​യു​ടെ ര​ണ്ടാം ദി​വ​സ​മാ​യ വ്യാ​ഴാ​ഴ്ച ന​ട​ന്ന​ത്.

ആ​ഗോ​ളാ​ടി​സ്ഥാ​ന​ത്തി​ൽ സ്വ​കാ​ര്യ-​പൊ​തു ഗ​താ​ഗ​ത​ത്തി​ൽ വ​ന്നു​കൊ​ണ്ടി​രി​ക്കു​ന്ന സാ​ങ്കേ​തി​ക മാ​റ്റ​ങ്ങ​ളും ഗ​താ​ഗ​ത അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ലും ഗ​താ​ഗ​ത മാ​നേ​ജ്മെ​ന്‍റി​ലും സം​ഭ​വി​ക്കു​ന്ന മാ​റ്റ​ങ്ങ​ളും നൂ​ത​ന​രീ​തി​ക​ളും ച​ർ​ച്ച​യാ​യി.

ഫ്രാ​ൻ​സി​ലെ ഗ​താ​ഗ​ത സാ​മ്പ​ത്തി​ക വ​ശ​ങ്ങ​ൾ ഒ​ലി​വ​ർ കൂ​സി​യ​ർ, ഇ​റ്റ​ലി​യി​ലെ നൂ​ത​ന പൊ​തു​ഗ​താ​ഗ​ത സം​രം​ഭ​ങ്ങ​ളെ​ക്കു​റി​ച്ച് പൗ​ലോ ഗാ​ൻ​ഡോ​ൾ​ഫി, ഫി​ൻ​ല​ൻ​ഡി​ലെ ഗ​താ​ഗ​ത സാ​ങ്കേ​തി​ക​ത​യെ​ക്കു​റി​ച്ച് ജ​യിം​സ്​ ന്​​ജൂ​യ​ൻ എ​ന്നി​വ​ർ സെ​മി​നാ​റി​ൽ അ​വ​ത​ര​ണം ന​ട​ത്തി. ഇ​ന്ത്യ​ൻ ന​ഗ​ര​ങ്ങ​ളി​ലെ ഗ​താ​ഗ​ത സം​രം​ഭ​ങ്ങ​ളെ​ക്കു​റി​ച്ച് അ​നു​ഷ്​ മ​ൽ​ഹോ​ത്ര, ക്രി​സ്റ്റി ആ​ൻ ചെ​റി​യാ​ൻ എ​ന്നി​വ​രു​ടെ അ​വ​ത​ര​ണ​വു​മു​ണ്ടാ​യി.

കേ​ര​ള മെ​ട്രോ​പൊ​ളി​റ്റ​ൻ ട്രാ​ൻ​സ്പോ​ർ​ട്ട് അ​തോ​റി​റ്റി​യു​ടെ പ്ര​വ​ർ​ത്ത​ന​ങ്ങ​ളും നേ​രി​ടു​ന്ന വെ​ല്ലു​വി​ളി​ക​ളും​ കെ.​എം.​ടി.​എ, എ​ക്സി​ക്യൂ​ട്ടി​വ് ഓ​ഫി​സ​ർ ഹ​രി പ്ര​ഭാ​ഷ​ണം ന​ട​ത്തി.

കെ.​എം.​ടി.​എ പ്ര​വ​ർ​ത്ത​ന​ങ്ങ​ൾ​ക്ക് യൂ​റോ​പ്യ​ൻ യൂ​നി​യ​ൻ സ​ഹ​ക​ര​ണം വാ​ഗ്ദാ​നം ചെ​യ്തു. സ​മാ​പ​ന സ​മ്മേ​ള​ന​ത്തി​ൽ കൊ​ച്ചി മേ​യ​ർ അ​ഡ്വ. എം. ​അ​നി​ൽ​കു​മാ​ർ അ​ധ്യ​ക്ഷ​ത വ​ഹി​ച്ചു. ഇ​ന്തോ - യൂ​റോ​പ്യ​ൻ യൂ​നി​യ​ൻ ന​ഗ​ര പ​ങ്കാ​ളി​ത്ത വി​ക​സ​ന പ​ദ്ധ​തി ടീം ​ലീ​ഡ​ർ നീ​ല​ഭ്​ സി​ങ്​, ന​ഗ​ര പ​ങ്കാ​ളി​ത്ത വി​ക​സ​ന പ​ദ്ധ​തി പ്ര​ധാ​ന വി​ദ​ഗ്​​ധ നി​തി​ക കൃ​ഷ്ണ​ൻ എ​ന്നി​വ​രും സി- ​ഹെ​ഡ് ഡ​യ​റ​ക്ട​ർ ഡോ. ​രാ​ജ​നും പ​ങ്കെ​ടു​ത്തു.

ശി​ൽ​പ​ശാ​ല​യി​ലെ നി​ർ​ദേ​ശ​ങ്ങ​ൾ ന​ട​പ്പാ​ക്കാ​ൻ ശ്ര​മി​ക്കു​മെ​ന്നും കൂ​ടു​ത​ൽ മേ​ഖ​ല​ക​ളി​ൽ യൂ​റോ​പ്യ​ൻ യൂ​നി​യ​ൻ സ​ഹ​ക​ര​ണം നേ​ടാ​ൻ ശ്ര​മി​ക്കു​മെ​ന്നും മേ​യ​ർ പ​റ​ഞ്ഞു.