‘പരിവാഹൻ’ മറയാക്കി തട്ടിപ്പ്​ വ്യാപകം; ഒ​രാ​ഴ്ച​ക്കി​ടെ പരാതിയുമായി എത്തിയത് ഇരുപതോളം പേർ

കാ​ക്ക​നാ​ട്: കേ​ന്ദ്ര ഗ​താ​ഗ​ത വ​കു​പ്പി​ന്റെ പ​രി​വാ​ഹ​ന്‍ വെ​ബ്‌​സൈ​റ്റി​ന്റെ മ​റ​വി​ൽ ന​ട​ക്കു​ന്ന ഓ​ൺ​ലൈ​ൻ ത​ട്ടി​പ്പ് ജി​ല്ല​യി​ലും വ്യാ​പ​ക​മാ​കു​ന്നു. ഒ​രാ​ഴ്ച​ക്കി​ടെ 20ഓ​ളം പേ​രാ​ണ് പ​രാ​തി​യു​മാ​യി സൈ​ബ​ർ പൊ​ലീ​സി​നെ സ​മീ​പി​ച്ച​ത്. വാ​ഹ​ന ഉ​ട​മ​ക​ളെ​യും ഡ്രൈ​വ​ർ​മാ​രെ​യും ല​ക്ഷ്യ​മി​ട്ടാ​ണ് ത​ട്ടി​പ്പ്​ ഏ​റെ​യു​മെ​ന്ന്​ പൊ​ലീ​സ് പ​റ​യു​ന്നു. വാ​ട്​​സ്​​ആ​പ്​-​എ​സ്.​എം.​എ​സ് വ​ഴി മൊ​ബൈ​ൽ ഫോ​ണി​ൽ വ​രു​ന്ന സ​ന്ദേ​ശ​ത്തി​ലൂ​ടെ​യാ​ണ് ത​ട്ടി​പ്പി​ന്റെ തു​ട​ക്കം. നി​ങ്ങ​ളു​ടെ വാ​ഹ​നം നി​യ​മ ലം​ഘ​ന​ത്തി​ൽ​പെ​ട്ടി​ട്ടു​ണ്ടെ​ന്നാ​യി​രി​ക്കും സ​ന്ദേ​ശം.

മോ​ട്ടോ​ർ വാ​ഹ​ന​വ​കു​പ്പി​ന്റെ പേ​രി​ൽ വ​രു​ന്ന സ​ന്ദേ​ശ​ത്തി​ൽ വാ​ഹ​ന​ത്തി​ന്റെ ന​മ്പ​ർ, നി​യ​മ​ലം​ഘ​നം ന​ട​ത്തി​യ തീ​യ​തി, ഇ​തി​നെ​തി​രെ വ​കു​പ്പ് പു​റ​ത്തി​റ​ക്കി​യ പി​ഴ ചെ​ലാ​ൻ ന​മ്പ​ർ എ​ന്നി​വ ഉ​ൾ​പ്പെ​ടു​ത്തി​യി​രി​ക്കും. നി​യ​മ​ലം​ഘ​ന​ത്തെ​ക്കു​റി​ച്ച് കൂ​ടു​ത​ൽ അ​റി​യാ​നും തെ​ളി​വു​ക​ൾ കാ​ണാ​നും താ​ഴെ ന​ൽ​കി​യ ലി​ങ്ക് ക്ലി​ക്ക് ചെ​യ്യു​ക എ​ന്ന് പ​റ​ഞ്ഞാ​ണ് സ​ന്ദേ​ശം അ​വ​സാ​നി​ക്കു​ന്ന​ത്. പി​ഴ​ത്തു​ക അ​ട​ക്കാ​ൻ എ.​പി.​കെ ഫ​യ​ൽ ഡൗ​ൺ​ലോ​ഡ് ചെ​യ്യാ​നും ആ​വ​ശ്യ​പ്പെ​ടും.

എ​ന്നാ​ൽ, ഇ​ത്ത​ര​ത്തി​ൽ എം-​പ​രി​വാ​ഹ​ന് എ.​പി.​കെ ഫ​യ​ൽ ഇ​ല്ലെ​ന്നും പ്ലേ ​സ്റ്റോ​ർ, ആ​പ് സ്റ്റോ​ർ എ​ന്നി​വ വ​ഴി മാ​ത്ര​മേ പ​രി​വാ​ഹ​ൻ ആ​പ് ഇ​ൻ​സ്റ്റാ​ൾ ചെ​യ്യാ​നാ​കൂ എ​ന്നു​മാ​ണ് മോ​ട്ടോ​ർ വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ർ പ​റ​യു​ന്ന​ത്. ഗൂ​ഗ്​​ൾ പ്ലേ ​സ്റ്റോ​ർ, ഐ ​ഫോ​ണി​ന്റെ ആ​പ്പ് സ്റ്റോ​ർ എ​ന്നി​വ​യി​ൽ​നി​ന്ന് ആ​പ്ലി​ക്കേ​ഷ​നു​ക​ൾ ഡൗ​ൺ​ലോ​ഡ് ചെ​യ്ത് ഉ​പ​യോ​ഗി​ക്കു​ന്ന​തി​നു​പ​ക​രം ആ​രെ​ങ്കി​ലും അ​യ​ച്ചു​ത​രു​ന്ന ലി​ങ്കു​ക​ൾ വ​ഴി ആ​പ്പി​ലേ​ക്കു പോ​കു​ന്ന​താ​ണ് കെ​ണി​യി​ൽ അ​ക​പ്പെ​ടാ​ൻ കാ​ര​ണ​മാ​കു​ന്ന​തെ​ന്ന് സൈ​ബ​ർ പൊ​ലീ​സ് ഉ​ദ്യോ​ഗ​സ്ഥ​രും സാ​ക്ഷ്യ​പ്പെ​ടു​ത്തു​ന്നു.

മോ​ട്ടോ​ർ വാ​ഹ​ന വ​കു​പ്പും പൊ​ലീ​സും ന​ൽ​കു​ന്ന നി​ർ​ദേ​ശ​ങ്ങ​ൾ

• അ​യ​ച്ച് ത​രു​ന്ന ആ​പ്ലി​ക്കേ​ഷ​ൻ ഫ​യ​ൽ ക്ലി​ക്ക് ചെ​യ്യ​രു​ത്
• ഇ-​ചെ​ലാ​ൻ ഔ​ദ്യോ​ഗി​ക വെ​ബ്‌​സൈ​റ്റി​ൽ​നി​ന്ന്​ മാ​ത്രം വി​വ​ര​ങ്ങ​ൾ സ്വീ​ക​രി​ക്കു​ക. പി​ഴ അ​ട​ക്കാ​നു​ള്ള ഏ​തെ​ങ്കി​ലും സ​ന്ദേ​ശം ല​ഭി​ച്ചാ​ൽ, അ​ത് ഔ​ദ്യോ​ഗി​ക വെ​ബ്‌​സൈ​റ്റി​ൽ​നി​ന്നു​ള്ള​താ​ണോ എ​ന്ന് ഉ​റ​പ്പാ​ക്കു​ക. ഉ​പ​ഭോ​ക്തൃ സേ​വ​ന വി​ഭാ​ഗ​വു​മാ​യി നേ​രി​ട്ട് ബ​ന്ധ​പ്പെ​ട്ടും ഉ​റ​പ്പാ​ക്കാം
• വ്യ​ക്തി​ഗ​ത വി​വ​ര​ങ്ങ​ൾ ഒ​രി​ക്ക​ലും ഒ​രു വ്യാ​ജ സ​ന്ദേ​ശ​ത്തി​ന്​ മ​റു​പ​ടി​യാ​യി ന​ൽ​ക​രു​ത്. ഇ​ത്ത​ര​ത്തി​ൽ വ​രു​ന്ന സ​ന്ദേ​ശ​ത്തി​ൽ നി​ങ്ങ​ളു​ടെ അ​ക്കൗ​ണ്ട്, പാ​സ്‌​വേ​ഡ്, ക്രെ​ഡി​റ്റ് കാ​ർ​ഡ് വി​വ​ര​ങ്ങ​ൾ ന​ൽ​കാ​ൻ ആ​വ​ശ്യ​പ്പെ​ട്ടാ​ൽ അ​ത് ത​ട്ടി​പ്പാ​ണെ​ന്ന്​ തി​രി​ച്ച​റി​യു​ക
• ല​ഭി​ക്കു​ന്ന സ​ന്ദേ​ശം ത​ട്ടി​പ്പാ​ണെ​ന്ന്​ തി​രി​ച്ച​റി​ഞ്ഞാ​ൽ ഉ​ട​ൻ ഇ-​ചെ​ലാ​ൻ ഉ​പ​ഭോ​ക്തൃ സേ​വ​ന വി​ഭാ​ഗ​ത്തെ അ​റി​യി​ക്കു​ക
• ഓ​ൺ​ലൈ​ൻ സാ​മ്പ​ത്തി​ക ത​ട്ടി​പ്പി​ന് ഇ​ര​യാ​യാ​ൽ ഒ​രു മ​ണി​ക്കൂ​റി​ന​കം 1930 ന​മ്പ​റി​ൽ 1930 എ​ന്ന ന​മ്പ​റി​ൽ പ​രാ​തി ര​ജി​സ്റ്റ​ർ ചെ​യ്യ​ണം. cybercrime.gov.in സൈ​റ്റി​ലും പ​രാ​തി ന​ൽ​കാം. ഇ-​ചെ​ലാ​ൻ ഉ​പ​ഭോ​ക്തൃ സേ​വ​ന വി​ഭാ​ഗം ഫോ​ൺ: 0120-4925505