ആ​ലു​വ ജില്ല ആശുപത്രിയിലെ അശാസ്ത്രീയ പദ്ധതികൾ പൊടിയുന്നത് കോടികൾ

ആ​ലു​വ: അ​ശാ​സ്ത്രീ​യ നി​ർ​മാ​ണ പ​ദ്ധ​തി​ക​ളി​ൽ പൊ​ടി​ഞ്ഞു​തീ​രു​ന്ന​ത് കോ​ടി​ക​ൾ. ആ​ലു​വ ജി​ല്ല ആ​ശു​പ​ത്രി​യി​ലെ കെ​ട്ടി​ട നി​ർ​മാ​ണ​മാ​ണ് പ​ണ​വും സ്ഥ​ല​വും പാ​ഴാ​ക്കു​ന്ന​ത്. ന​ഗ​ര​ഹൃ​ദ​യ​ത്തി​ൽ വ​ലി​യൊ​രു പ്ര​ദേ​ശ​ത്താ​ണ് ആ​ശു​പ​ത്രി പ്ര​വ​ർ​ത്തി​ക്കു​ന്ന​ത്. എ​ന്നാ​ൽ, കോ​ടി​ക​ൾ വി​ല​മ​തി​ക്കു​ന്ന ഭൂ​മി വേ​ണ്ട​വി​ധം വി​നി​യോ​ഗി​ക്ക​പ്പെ​ടു​ന്നി​ല്ല. തോ​ന്നി​യ​പോ​ലു​ള്ള നി​ർ​മാ​ണ​ങ്ങ​ൾ മൂ​ലം സ്ഥ​ലം പാ​ഴാ​കു​ക​യും ചെ​യ്യു​ന്നു. ഏ​ക്ക​ർ ക​ണ​ക്കി​ന് സ്ഥ​ല​മു​ണ്ടെ​ങ്കി​ലും കെ​ട്ടി​ട​ങ്ങ​ൾ പ​ല​യി​ട​ത്താ​യി കി​ട​ക്കു​ക​യാ​ണ്. ലേ​ബ​ർ റൂം ​ന​വീ​ക​രി​ക​ര​ണ​മാ​ണ് നി​ല​വി​ൽ ന​ട​ന്നു​കൊ​ണ്ടി​രി​ക്കു​ന്ന​ത്. സ​ർ​ക്കാ​റി​െൻറ 100 ദി​ന പ​ദ്ധ​തി​യി​ൽ ഉ​ൾ​പ്പെ​ടു​ത്തി​യാ​ണ് നി​ർ​മാ​ണം. 1.97 കോ​ടി​യാ​ണ് സ​ർ​ക്കാ​ർ അ​നു​വ​ദി​ച്ചി​ട്ടു​ള്ള​ത്. മൂ​ന്ന് മാ​സം മു​മ്പാ​ണ് നി​ർ​മാ​ണം ആ​രം​ഭി​ച്ച​ത്. പ​തി​വു​പോ​ലെ നി​ല​വി​ലു​ള്ള ലേ​ബ​ർ റൂ​മി​െൻറ ഒ​രു ഭാ​ഗം പൊ​ളി​ച്ചാ​ണ് പു​തി​യ കെ​ട്ടി​ടം നി​ർ​മി​ക്കു​ന്ന​ത്. ആ​വ​ശ്യ​ത്തി​ലേ​റെ സ്ഥ​ലം ഇ​പ്പോ​ഴും ആ​ശു​പ​ത്രി​യി​ലു​ണ്ട്. അ​തി​നാ​ൽ മ​റ്റൊ​രി​ട​ത്ത് ഈ ​കെ​ട്ടി​ടം നി​ർ​മി​ച്ചാ​ൽ പൊ​ളി​ക്കാ​ൻ ചെ​ല​വാ​ക്കു​ന്ന തു​ക ലാ​ഭി​ക്കാം. മാ​ത്ര​മ​ല്ല, പ​ഴ​യ കെ​ട്ടി​ടം നി​ല​നി​ർ​ത്തു​ക​യും ചെ​യ്യാം. ഇ​ത്ത​ര​ത്തി​ൽ പു​തി​യ കെ​ട്ടി​ടം നി​ർ​മി​ക്കു​ക​യാ​ണെ​ങ്കി​ൽ കൂ​ടു​ത​ൽ സൗ​ക​ര്യം ല​ഭി​ക്കും. ഭാ​വി​യി​ൽ മു​ക​ളി​ൽ ഒ​ന്നോ ര​ണ്ടോ നി​ല​കൂ​ടി പ​ണി​യാ​ൻ ക​ഴി​യു​ന്ന വി​ധ​ത്തി​ൽ കൂ​ടു​ത​ൽ ഉ​റ​പ്പോ​ടെ അ​ടി​ത്ത​റ നി​ർ​മി​ക്കു​ക​യും ചെ​യ്യാം.

അ​ക്വാ​ട്ടി​ക് പൂ​ൾ നി​ർ​മി​ച്ച​ത് ഓ​പ​ൺ എ​യ​ർ സ്‌​റ്റേ​ജ് പൊ​ളി​ച്ച്

ഹീ​മോ​ഫീ​ലി​യ സെൻറ​റി​നാ​യി അ​ക്വാ​ട്ടി​ക് പൂ​ൾ നി​ർ​മി​ച്ച​തും ഇ​തേ അ​വ​സ്ഥ​യി​ലാ​ണ്. രോ​ഗി​ക​ളു​ടെ​യും കൂ​ട്ടി​രി​പ്പു​കാ​രു​ടെ​യും മാ​ന​സി​ക ഉ​ല്ലാ​സ​ത്തി​നാ​യി ല​ക്ഷ​ങ്ങ​ൾ ചെ​ല​വ​ഴി​ച്ച് നി​ർ​മി​ച്ച ഓ​പ​ൺ എ​യ​ർ സ്​​റ്റേ​ജി​െൻറ ഒ​രു ഭാ​ഗം പൊ​ളി​ച്ചാ​ണ് അ​ക്വാ​ട്ടി​ക് പൂ​ൾ നി​ർ​മി​ച്ച​ത്. ഇ​തി​പ്പോ​ൾ ശു​ചീ​ക​ര​ണ​മൊ​ന്നു​മി​ല്ലാ​തെ കാ​ടു​ക​യ​റി കി​ട​ക്കു​ക​യാ​ണ്. പു​റ​മെ സ്​​റ്റേ​ജി​െൻറ മേ​ൽ​ക്കൂ​ര​യെ​ല്ലാം പൊ​ളി​ച്ചു​നീ​ക്കി. ടൈ​ലു​ക​ളെ​ല്ലാം പു​ല്ല് വ​ള​ർ​ന്ന് മൂ​ടി​പ്പോ​യി.

വ​രു​മാ​നം നേ​ടാ​വു​ന്ന ഭൂ​മി

ജി​ല്ല ആ​ശു​പ​ത്രി വ​ള​പ്പി​ൽ 15ഓ​ളം കെ​ട്ടി​ട​ങ്ങ​ളു​ണ്ടെ​ങ്കി​ലും ജി​ല്ല ആ​ശു​പ​ത്രി​യു​ടെ നി​ല​വാ​ര​ത്തി​ൽ വ​ള​രെ കു​റ​ച്ച് കെ​ട്ടി​ട​ങ്ങ​ൾ മാ​ത്ര​മാ​ണു​ള്ള​ത്. കാ​ല​പ്പ​ഴ​ക്കം ചെ​ന്ന ചെ​റു​കെ​ട്ടി​ട​ങ്ങ​ൾ ഒ​ഴി​വാ​ക്കി ഏ​തെ​ങ്കി​ലും ഒ​രു ഭാ​ഗ​ത്താ​യി ബ​ഹു​നി​ല കെ​ട്ടി​ടം നി​ർ​മി​ച്ചാ​ൽ കൂ​ടു​ത​ൽ സൗ​ക​ര്യം ല​ഭി​ക്കും. അ​വ​ശേ​ഷി​ക്കു​ന്ന ഭൂ​മി വാ​ണി​ജ്യ ആ​വ​ശ്യ​ങ്ങ​ൾ​ക്കാ​യി വി​നി​യോ​ഗി​ച്ച് വ​രു​മാ​നം നേ​ടാ​നും ക​ഴി​യും.