ചൂർണിക്കര ഗ്രാമപഞ്ചായത്തിന് സൗജന്യമായി നൽകുന്ന 10 സെൻറ് സ്ഥലത്തിൻറെ ആധാരം ജിമ്മി വർഗീസ് പഞ്ചായത്ത് പ്രസിഡൻറ് രാജി സന്തോഷിന് കൈമാറുന്നു
ആലുവ: ജിമ്മി വർഗീസിൻറെ കാരുണ്യഭൂമിയിൽ കിടപ്പാടത്തിന് വഴിതെളിഞ്ഞത് ഭവന രഹിതരും നിർധനരുമായ എട്ട് കുടുംബങ്ങൾക്ക്. ചൂർണിക്കര ഗ്രാമപഞ്ചായത്തിലെ ഒമ്പതാം വാർഡിൽ കൊടികുത്തിമലയിൽ താമസിക്കുന്ന ജിമ്മി വർഗീസാണ് ചൂർണിക്കര ഗ്രാമപഞ്ചായത്തിന് 10 സെൻറ് സ്ഥലം സൗജന്യമായി നൽകിയത്.
എട്ട് കുടുംബങ്ങൾക്ക് വീട് നിർമ്മിച്ച് നൽകാൻ പഞ്ചായത്ത് ഭരണസമിതിയും തീരുമാനിച്ചു. സിവിൽ, ഇലക്ട്രിക്കൽ ജോലികൾ ചെയ്യുന്നയാളാണ് ജിമ്മി വർഗീസ്. ഒമ്പതാം വാർഡ് അംഗം സി.പി.നൗഷാദാണ് ജിമ്മി വർഗ്ഗീസിനോട് വീടില്ലാത്തവർക്ക് വീട് വെക്കാൻ കുറച്ചു സ്ഥലം നൽകുമോയെന്ന് ചോദിച്ചത്. യാതൊരു മടിയും കൂടാതെ തരാമെന്ന് ജിമ്മി മറുപടിയും നൽകി. ആലുവ സബ് രജിസ്ട്രാർ ഓഫിസിൽ വെച്ച് ചൂർണിക്കര പഞ്ചായത്തിന് സ്ഥലം കൈമാറിയതിൻറെ ആധാരം ജിമ്മി വർഗീസ്, പഞ്ചായത്ത് പ്രസിഡൻറ് രാജി സന്തോഷിന് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.