കാലടി: ശ്രീശങ്കരാചാര്യ സംസ്കൃത സർവകലാശാല കലോത്സവം 'മസാറ്റല്ലോ' ബുധൻ, വ്യാഴം, വെള്ളി ദിവസങ്ങളിൽ കാലടി സർവകലാശാലയിൽ നടക്കുമെന്ന് യൂനിയൻ കലോത്സവ ജനറൽ കൺവീനർ കെ.വി. അഭിജിത്ത് വാർത്തസമ്മേളനത്തിൽ അറിയിച്ചു. ബുധനാഴ്ച വൈകീട്ട് മൂന്നിന് ടൗൺ ചുറ്റി ഘോഷയാത്ര നടക്കുന്നതോടെ കലോത്സവത്തിന് തുടക്കമാകും. തുടർന്ന് നടൻ ആസിഫ് അലി ഉദ്ഘാടനം ചെയ്യും. ദിവസവും രാവിലെ ഒമ്പത് മുതൽ കാമ്പസിലെ നാല് വേദികളിലായി വിവിധ കലാമത്സരങ്ങൾ അരങ്ങേറും. ഒമ്പത് സെന്ററുകളിൽനിന്നുള്ള 500ൽപരം വിദ്യാർഥികൾ പങ്കെടുക്കും. ചെറുകഥ, കവിത രചന, ഉപന്യാസ രചന, പെൻസിൽ സ്കെച്ച്, പോസ്റ്റർ നിർമാണം, ഓട്ടൻതുള്ളൽ, ഭരതനാട്യം, കുച്ചിപ്പുടി, മോഹിനിയാട്ടം, നാടോടി നൃത്തം, കഥക്, കൂത്ത്, മാർഗംകളി, തിരുവാതിര, ട്രൈബൽ ഡാൻസ്, ലളിതഗാനം, നാടൻപാട്ട്, പ്രസംഗം, മിമിക്രി, കഥാപ്രസംഗം, ഒപ്പന, മൂകാഭിനയം, നാടകം എന്നിവയിലാണ് പ്രധാന മത്സരങ്ങൾ. വെള്ളി രാത്രി 9.30ന് സമാപിക്കും. യൂനിവേഴ്സിറ്റി യൂനിയൻ ചെയർപേഴ്സൻ ഇ.എസ്. അഹമ്മദ് കാസ്ട്രോ, ജനറൽ സെക്രട്ടറി മനുമോഹൻ, വൈസ് ചെയർപേഴ്സൻ വിജയലക്ഷ്മി ഡാലി, ജോ. സെക്രട്ടറി എം. അമൽ, എക്സിക്യൂട്ടിവ് അംഗം വി.ജി. ഗ്രീഷ്മ എന്നിവരും വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.