സ്മാർട്ട് കൊച്ചി കാനനിർമാണം: പരാതികളുമായി നാട്ടുകാർ

മട്ടാഞ്ചേരി: സ്മാർട്ട് കൊച്ചിയുടെ പാത, കാന നിർമാണത്തിൽ പരാതിയുമായി നാട്ടുകാർ. ജോലി ഇഴയുകയാണെന്ന പരാതി നിലനിൽക്കെയാണ് കാന നിർമാണത്തിലെ പോരായ്മകൾ ജനം ചൂണ്ടിക്കാട്ടുന്നത്. ഈരവേലിയിൽ കാന നിർമാണം നടക്കുമ്പോൾ തന്നെ റോഡിൽനിന്ന്​ മറ്റും അഴുക്കുവെള്ളവും പെയ്​ത്തുവെള്ളവും കാനയിലേക്ക് പോകുന്നതിന് ഹോളുകൾ നിർമിക്കാത്തതായി ചൂണ്ടിക്കാട്ടുന്നത്. കാന പണിയുമ്പോൾ തന്നെ ചെയ്യേണ്ട ഇത്തരം കാര്യങ്ങൾ പണിതീർന്നശേഷം തുളക്കുന്നത് ബലക്ഷയത്തിന് കാരണമാകുമെന്നാണ് പ്രദേശവാസികൾ പറയുന്നത്. നിർമാണ പ്രവർത്തനങ്ങൾ വിലയിരുത്താൻ സ്മാർട്ട് സിറ്റി അധികൃതർ എത്താത്തതാണ് ഇത്തരം വീഴ്ചകൾക്ക് കാരണമെന്നും ആരോപിക്കുന്നു.