പല്ലാരിമംഗലം: വനിത ശിശു വികസന വകുപ്പ് ഐ.സി.ഡി.എസിന് കീഴിൽ നടപ്പാക്കുന്ന ആയുഷ് ക്ലിനിക്ക് പല്ലാരിമംഗലത്ത് പഞ്ചായത്ത് വൈസ് പ്രസിഡന്റ് ഒ.ഇ. അബ്ബാസ് ഉദ്ഘാടനം ചെയ്തു. കുട്ടികളിൽ കണ്ടുവരുന്ന വിളർച്ച, പോഷകാഹാരക്കുറവ്, വളർച്ചക്കുറവ് എന്നിവ കണ്ടെത്തി അവർക്ക് വേണ്ടുന്ന നിർദേശങ്ങളും ചികിത്സയും നൽകുക എന്നതാണ് ആയുഷ് ക്ലിനിക്കുകൾകൊണ്ട് ഉദ്ദേശിക്കുന്നത്. സർക്കാർ ആയുർവേദ ആശുപത്രിയിലെ മെഡിക്കൽ ഓഫിസർ ഡോ. കെ.പി. ആനന്ദ് കുട്ടികളെ പരിശോധിച്ചു. പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷൻ കെ.എം. അബ്ദുൽ കരീം അധ്യക്ഷത വഹിച്ചു. ഐ.സി.ഡി.എസ് സൂപ്പർവൈസർ സ്വപ്ന മാത്യു, അംഗൻവാടി വർക്കർമാരായ പി.എൻ. സുമംഗല, കെ.പി. നിസമോൾ, ഹെൽപർ ഹലീമ നാസർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.