മരട്: ആരോഗ്യമന്ത്രി വീണ ജോർജിന്റെ ബന്ധുവാണെന്നു പറഞ്ഞ് തട്ടിപ്പ് നടത്തിയ പ്രതി പിടിയില്. പത്തനംതിട്ട കോഴഞ്ചേരി മൈലന്തറ സ്മൃതിക്കാട്ട് വീട്ടില് സനോജ് എബ്രഹാമിനെയാണ് (45) അറസ്റ്റു ചെയ്തത്. ഇയാള് ചമ്പക്കര പ്രൈമറി ഹെല്ത്ത് സെന്ററിലെ താല്ക്കാലിക ജീവനക്കാരെ സ്ഥിരപ്പെടുത്താമെന്നു വാഗ്ദാനം ചെയ്ത് സര്ട്ടിഫിക്കറ്റുകള് കൈക്കലാക്കുകയായിരുന്നു. തുടർന്ന് ജീവനക്കാര് മന്ത്രിക്ക് പരാതി നൽകി. മന്ത്രിയുടെ ഓഫിസില്നിന്ന് പരാതി മരട് പൊലീസ് സ്റ്റേഷന് കൈമാറുകയായിരുന്നു. ഇയാള് എറണാകുളത്ത് സ്വകാര്യ കമ്പനിയിലെ ജോലിക്കാരനാണ്. തൈക്കൂടത്ത് വാടകവീട്ടില് താമസിച്ചു വരവെ രക്തപരിശോധനക്കായി ചമ്പക്കര പ്രൈമറി ഹെല്ത്ത് സെന്ററില് പതിവായി എത്താറുണ്ടായിരുന്നു. ഡെപ്യൂട്ടി പൊലീസ് കമീഷണര് വി.യു. കുര്യാക്കോസിന്റെ നിർദേശപ്രകാരം എറണാകുളം അസി. പൊലീസ് കമീഷണര് നിസാമുദ്ദീന്, മരട് പൊലീസ് സ്റ്റേഷന് സബ് ഇന്സ്പെക്ടര് റിജിന് എം. തോമസ്, പൊലീസുകാരായ അരുണ്രാജ്, രതീഷ് എന്നിവരടങ്ങുന്ന സംഘമാണ് പ്രതിയെ പത്തനംതിട്ടയില്നിന്ന് അറസ്റ്റ് ചെയ്തത്. അറസ്റ്റുചെയ്ത പ്രതിയെ കോടതിയില് ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.