കോതമംഗലം: രാജ്യത്തിന്റെ എഴുപത്തിയഞ്ചാം സ്വാതന്ത്ര്യ ദിനാഘോഷത്തിന്റെ ഭാഗമായി കോതമംഗലം ബ്ലോക്ക് പഞ്ചായത്തിന്റെ ആഭിമുഖ്യത്തില് യൂനിയന് ബാങ്കുമായി സഹകരിച്ച് കുട്ടമ്പുഴ പഞ്ചായത്തിലെ പിണവൂര്കുടി ആദിവാസി മേഖലയിലെ തൊഴിലുറപ്പ് തൊഴിലാളികളുടെ കുടുംബങ്ങള്ക്ക് ദേശീയ പതാക വിതരണം ചെയ്തു. പിണവൂര്കുടി ആദിവാസി മേഖലയിലെ 300 കുടുംബങ്ങള്ക്കാണ് പതാകനൽകിയത്. ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് പി.എ.എം ബഷീര് നിര്വഹിച്ചു. ഗ്രാമ പഞ്ചായത്ത് സ്റ്റാൻഡിങ് കമ്മിറ്റി ചെയര്മാന് കെ.എ. സിബി അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് നിസ മോള് ഇസ്മായില്, സ്റ്റാൻഡിങ് കമ്മിറ്റി ചെയര്മാന്മാരായ ജോമി തെക്കേക്കര, ജയിംസ് കോറമ്പേല്,ബ്ലോക്ക് പഞ്ചായത്ത് അംഗങ്ങളായ ഡയാന നോബി, കെ.കെ. ഗോപി,ലിസി ജോസഫ്, ബി.ഡി.ഒ. ഡോ.എസ്.അനുപം, ഗ്രാമ പഞ്ചായത്ത് അംഗങ്ങളായ ജോഷി പൊട്ടക്കല്, ബിനീഷ്,ജോയിന്റ് ബി.ഡി.ഒ വി.കെ. അജി തുടങ്ങിയവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.