നെടുമ്പാശ്ശേരി: കോഴിക്കോട് വിമാനത്താവളത്തിൽ ഇറങ്ങേണ്ടിയിരുന്ന ആറ് വിമാനങ്ങൾ പ്രതികൂല കാലാവസ്ഥയെ തുടർന്ന് കൊച്ചിയിലേക്ക് തിരിച്ചുവിട്ടു. എയർ അറേബ്യയുടെ ഷാർജ-കോഴിക്കോട്, അബൂദബി-കോഴിക്കോട്, ഗൾഫ് എയറിന്റെ ബഹ്റൈൻ-കോഴിക്കോട്, എയർ ഇന്ത്യ എക്സസ്പ്രസിന്റെ അബൂദബി-കോഴിക്കോട്, ഖത്തർ എയർവേസിന്റെ ദോഹ-കോഴിക്കോട്, ഇൻഡിഗോയുടെ ദോഹ-കോഴിക്കോട് എന്നീ വിമാനങ്ങളാണ് കൊച്ചിയിൽ ഇറക്കിയത്. വ്യാഴാഴ്ച പുലർച്ചയാണ് ആദ്യത്തെ അഞ്ച് വിമാനം എത്തിയത്. കാലാവസ്ഥ അനുകൂലമായതോടെ ഇതിൽ നാല് വിമാനം കോഴിക്കോട്ടേക്ക് തിരിച്ചുപോയി. ജീവനക്കാരുടെ ജോലി സമയം കഴിഞ്ഞതിനാൽ ഖത്തർ എയർവേസ് വിമാനത്തിന് യഥാസമയം കോഴിക്കോട്ടേക്ക് പോകാനായില്ല. ഈ വിമാനത്തിലെ 123 യാത്രക്കാരെ മൂന്ന് ബസിലായി കോഴിക്കോട്ടെത്തിച്ചു. ഇൻഡിഗോ വിമാനം വൈകീട്ട് 3.53നാണ് കൊച്ചിയിൽ എത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.