തുറവൂരിൽ പൈപ്പ് പൊട്ടി; കുടിവെള്ളം മുടങ്ങും

തു​റ​വൂ​ർ: അ​രൂ​ർ-​തു​റ​വൂ​ർ ആ​കാ​ശ​പ്പാ​ത​യു​ടെ തൂ​ണു​ക​ൾ​ക്ക് മു​ക​ളി​ൽ കോ​ൺ​ക്രീ​റ്റ് ഗ​ർ​ഡ​ർ സ്‌​ഥാ​പി​ക്കു​ന്ന​തി​നാ​യി ലോ​ഞ്ചി​ങ് ഗാ​ൻ​ട്രി​യു​ടെ ജോ​ലി​ക​ൾ ന​ട​ക്കു​ന്ന​തി​നി​ടെ ജ​പ്പാ​ൻ ശു​ദ്ധ​ജ​ല പൈ​പ്പ് പൊ​ട്ടി. ചൊ​വ്വാ​ഴ്‌​ച രാ​ത്രി​യോ​ടെ​യാ​യി​രു​ന്നു പൈ​പ്പ് പൊ​ട്ടി​യ​ത്. തു​റ​വൂ​ർ, കു​ത്തി​യ​തോ​ട് പ​ഞ്ചാ​യ​ത്തു​ക​ളി​ലേ​ക്ക് ശു​ദ്ധ​ജ​ല വി​ത​ര​ണം ന​ട​ത്തു​ന്ന ജി.​ആ​ർ.​പി പൈ​പ്പി​ൽ നി​ന്നു​പോ​കു​ന്ന പൈ​പ്പാ​ണ് പൊ​ട്ടി​യ​ത്.

ഇ​തു​മൂ​ലം ഈ ​സ്ഥ​ല​ങ്ങ​ളി​ൽ കു​ടി​വെ​ള്ളം മു​ട​ങ്ങും. ലോ​ഞ്ചി​ങ് ഗാ​ൻ​ട്രി​യു​ടെ റെ​യി​ലു​ക​ൾ ഉ​റ​പ്പി​ക്കു​ന്ന​തി​നാ​യി ഇ​രു​മ്പ് ക​മ്പി​ക​ൾ അ​ടി​ച്ചു​റ​പ്പി​ക്കു​മ്പോ​ഴാ​യി​രു​ന്നു പൈ​പ്പ് പൊ​ട്ടി​യ​ത്. ഇ​തോ​ടെ തു​റ​വൂ​ർ ജം​ങ്ഷ​നി​ൽ നി​ന്നു വ​ട​ക്കോ​ട്ട് ആ​ശു​പ​ത്രി​ക്ക് മു​ന്നി​ൽ​വ​രെ അ​ര കി​ലോ​മീ​റ്റ​റോ​ളം വെ​ള്ള​ക്കെ​ട്ടാ​യി. വാ​ട്ട​ർ അ​തോ​റി​റ്റി തു​റ​വൂ​ർ സ​ബ് സെ​ന്‍റ​റി​ന് കീ​ഴി​ലു​ള്ള ഉ​ദ്യോ​ഗ​സ്‌​ഥ​രെ​ത്തി പ​മ്പി​ങ് നി​ർ​ത്തി​യ​തോ​ടെ​യാ​ണ് വെ​ള്ള​ത്തി​ന്റെ കു​ത്തൊ​ഴു​ക്ക് നി​യ​ന്ത്രി​ക്കാ​നാ​യ​ത്.

തു​റ​വൂ​ർ ആ​ല​യ്ക്കാ​പ​റ​മ്പി​ൽ പൊ​ട്ടി​യ ജ​പ്പാ​ൻ ശു​ദ്ധ​ജ​ല പ​ദ്ധ​തി​യു​ടെ പൈ​പ്പി​ന്‍റെ അ​റ്റ​കു​റ്റ​പ്പ​ണി ചൊ​വ്വാ​ഴ്‌​ച പൂ​ർ​ത്തി​യാ​ക്കി പ​മ്പി​ങ് തു​ട​ങ്ങി​യ സ​മ​യ​ത്താ​യി​രു​ന്നു തു​റ​വൂ​രി​ലെ പൈ​പ്പു​പൊ​ട്ട​ൽ. തു​റ​വൂ​ർ, കു​ത്തി​യ​തോ​ട് പ​ഞ്ചാ​യ​ത്തു​ക​ളി​ൽ നാ​ലു​ദി​വ​സ​മാ​ണ് ര​ണ്ടി​ട​ങ്ങ​ളി​ലാ​യി പൈ​പ്പ് പൊ​ട്ടി​യ​ത്.