ഇല്ലായ്മകളുടെ നടുവിൽ തുറവൂർ ഗവ. ആശുപത്രി

തു​റ​വൂ​ർ: തു​റ​വൂ​ർ ഗ​വ. ആ​ശു​പ​ത്രി​ക്ക്​ പ​റ​യാ​നു​ള്ള​ത്​ ഇ​ല്ലാ​യ്മ​ക​ളു​ടെ ക​ഥ​ക​ൾ മാ​ത്രം. അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യും ജീ​വ​ന​ക്കാ​രു​ടെ കു​റ​വും ആ​ശു​പ​ത്രി​യി​ലെ​ത്തു​ന്ന രോ​ഗി​ക​ളെ വ​ല​ക്കു​ക​യാ​ണ്.ഒ.​പി ചീ​ട്ടി​നും ഡോ​ക്ട​റെ കാ​ണാ​നും മ​ണി​ക്കൂ​റു​ക​ൾ കാ​ത്തു​നി​ൽ​ക്ക​ണം. ഒ​രു ഒ.​പി കൗ​ണ്ട​ർ കൂ​ടി തു​റ​ന്നാ​ൽ തി​ര​ക്കി​ന് പ​രി​ഹാ​രം കാ​ണാ​നാ​കു​മെ​ന്ന് ഹോ​സ്പി​റ്റ​ൽ മാ​നേ​ജ്മെ​ന്‍റ്​ ക​മ്മി​റ്റി ക​ണ്ടെ​ത്തി​യി​രു​ന്നു.

എ​ന്നാ​ൽ, ര​ണ്ട് സ്റ്റാ​ഫി​നെ നി​യ​മി​ക്കാ​ൻ സാ​മ്പ​ത്തി​ക സ്ഥി​തി അ​നു​വ​ദി​ക്കു​ന്നി​ല്ല. ഈ ​സാ​ഹ​ച​ര്യ​ത്തി​ലാ​ണ് ഒ.​പി ചീ​ട്ടി​ന് 10 രൂ​പ ആ​ക്കാ​മെ​ന്ന തീ​രു​മാ​ന​മു​ണ്ടാ​യ​ത്. ചി​ല രാ​ഷ്ട്രീ​യ പാ​ർ​ട്ടി​ക​ൾ പ്ര​തി​ഷേ​ധ​വു​മാ​യെ​ത്തി​യ​തോ​ടെ എ​ച്ച്.​എം.​സി തീ​രു​മാ​നം പി​ൻ​വ​ലി​ച്ചു. ഇ​തോ​ടെ പു​തി​യ ഒ.​പി. കൗ​ണ്ട​ർ തു​റ​ക്കാ​നു​ള്ള നീ​ക്കം ഉ​പേ​ക്ഷി​ച്ചു. ഒ.​പി. ചീ​ട്ടി​ന് 10 രൂ​പ ആ​ക്കി​യി​രു​ന്നെ​ങ്കി​ൽ വ​രു​മാ​ന​മു​പ​യോ​ഗി​ച്ച് ഡ​യാ​ലി​സി​സ് യൂ​നി​റ്റി​ൽ ഒ​രു ഷി​ഫ്റ്റു​കൂ​ടി പ്ര​വ​ർ​ത്തി​പ്പി​ക്കാ​ൻ സാ​ധി​ക്കു​മാ​യി​രു​ന്നെ​ന്നാ​ണ്​ ആ​ശു​പ​ത്രി അ​ധി​കൃ​ത​ർ പ​റ​യു​ന്ന​ത്. ശ​രാ​ശ​രി 1,000 പേ​രാ​ണ് ദി​വ​സ​വും ആ​ശു​പ​ത്രി​യി​ലെ​ത്തു​ന്ന​ത്.