ദേശീയ പാതയിൽ ഒറ്റപ്പുന്നയിൽ റോഡിന് കുറുകെ
കണ്ടെയ്നര് ലോറി കുടുങ്ങിയപ്പോൾ
ചേര്ത്തല: കണ്ടെയ്നര് ലോറി ദേശീയപാതക്കു കുറുകെ കുടുങ്ങിയതിനെ തുടര്ന്ന് രണ്ടരമണിക്കൂറോളം ഗതാഗതം തടസ്സപ്പെട്ടു. ചേര്ത്തല ഒറ്റപ്പുന്ന അടിപ്പാതക്കു സമീപം തിങ്കളാഴ്ച വൈകീട്ട് മൂന്നോടെയാണ് സംഭവം. ചേര്ത്തല നഗരത്തില് നിന്ന് ചരക്കുമായി പാതയിലേക്കു കയറുന്നതിനിടെയാണ് ലോറി കുഴിയില് താഴ്ന്ന് കുടുങ്ങിയത്. വടക്കന്ഭാഗത്തേക്കു വാഹനങ്ങള് കടത്തിവിട്ടിരുന്ന സർവിസ് റോഡില് യാത്ര പൂര്ണമായും മുടങ്ങുന്ന തരത്തിലായിരുന്നു ലോറി കിടന്നത്.
ഇതോടെ തെക്കന് ഭാഗത്തേക്കുള്ള യാത്ര പൂര്ണമായും നിലച്ചു. വാഹനങ്ങളുടെ നിര പട്ടണക്കാടു വരെ നീണ്ടു. പൊലീസെത്തി നഗരത്തിലൂടെ വാഹനങ്ങള് കയറ്റിവിട്ടാണ് താൽക്കാലിക ക്രമീകരണമൊരുക്കിയത്. പിന്നീട് െക്രയിന് ഉപയോഗിച്ച് ലോറി മാറ്റിയാണ് വൈകീട്ട് ഗതാഗത തടസ്സം നീക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.