ശ്രീനാരായണഗുരു ദാനം നൽകിയ സ്കൂൾ ഇന്നും ശോച്യാവസ്ഥയിൽ

ചേ​ർ​ത്ത​ല: ശ്രീ​നാ​രാ​യ​ണ​ഗു​രു ദാ​നം ന​ൽ​കി​യ സ്കൂ​ൾ ഇ​ന്നും ശോ​ച്യാ​വ​സ്ഥ​യി​ൽ. ചേ​ർ​ത്ത​ല ശ്രീ​നാ​രാ​യ​ണ ഗു​രു മെ​മോ​റി​യ​ൽ ഗ​വ. ബോ​യ്സ് ഹൈ​സ്കൂ​ളാ​ണ് അ​വ​ഗ​ണ​ന​യി​ലാ​യ​ത്. ഗു​രു​വി​ന്‍റെ 63 ാം വ​യ​സ്സി​ൽ ത​ണ്ണീ​ർ​മു​ക്കം പു​ന്നെ​കാ​ട്ട് ചി​റ​യി​ൻ ക​ണ്ട​ന്റെ അ​ന​ന്ത​ര​വ​ൻ അ​റു​പ​തു വ​യ​സു​ള്ള കൊ​ച്ച​യ്യ​പ്പ​ൻ ചേ​ർ​ത്ത​ല സ​ബ്​ ര​ജി​സ്ട്രാ​ർ മു​മ്പാ​കെ ശ്രീ​നാ​രാ​യ​ണ ഗു​രു​വി​ന് എ​ഴു​തി കൊ​ടു​ത്ത ദാ​നാ​ധാ​ര​മാ​ണ് ഇ​ന്ന് സ്കൂ​ൾ നി​ൽ​ക്കു​ന്നി​ടം. ആ​ലു​വ അ​ദ്വൈ​താ​ശ്ര​മ​ത്തി​ൽ ഉ​ണ്ടാ​യി​രു​ന്ന ഗു​രു​വി​ന്​ അ​ന്ന് നാ​ല് രൂ​പ വി​ല​യു​ള്ള മു​ദ്ര​പ​ത്ര​ത്തി​ൽ 258/10 എ​ന്ന സ​ർ​വേ ന​മ്പ​റി​ൽ പ്ര​മാ​ണം ര​ജി​സ്ട്ര​ർ ചെ​യ്തു. ആ​ശ്ര​മ​ത്തി​നാ​യാ​ണ് കെ​ച്ച​യ്യ​പ്പ​ൻ 36 സെ​ന്റ് സ്ഥ​ലം ന​ൽ​കി​യ​ത്. പി​ന്നീ​ട് ഗു​രു ശി​ഷ്യ​രു​മൊ​ന്നി​ച്ച് ഇ​വി​ടെ​യെ​ത്തി ആ​ശ്ര​മം സ്ഥാ​പി​ച്ചു പൂ​ജാ​ദി ക​ർ​മ​ങ്ങ​ളും അ​നു​ഷ്ഠി​ച്ചി​രു​ന്നു.

കാ​ല​ക്ര​മേ​ണ ഗു​രു​വി​ന്റെ വി​ശ്വ​സ്ത ശി​ഷ്യ​രി​ൽ ഒ​രാ​ളാ​യി മാ​റു​ക​യും ചെ​യ്തു കൊ​ച്ച​യ്യ​പ്പ​ൻ. ചേ​ർ​ത്ത​ല​യി​ൽ ഒ​രു ഹൈ​സ്കൂ​ൾ പോ​ലു​മി​ല്ലാ​യി​രു​ന്ന കാ​ല​മാ​യി​രു​ന്നു. മി​ഡി​ൽ സ്കൂ​ൾ പ​രീ​ക്ഷ ജ​യി​ക്കു​ന്ന കു​ട്ടി​ക​ൾ ഉ​പ​രി​പ​ഠ​ന​ത്തി​ന്​ മാ​ർ​ഗ​മി​ല്ലാ​തെ ക​ഷ്ട​പ്പെ​ട്ടി​രു​ന്ന കാ​ലം. ചേ​ർ​ത്ത​ല സ്വ​ദേ​ശി മു​റി​വേ​ലി പാ​ച്ചു​പി​ള്ള വ​ക്കീ​ലാ​ണ് ഗു​രു​വി​നെ ചേ​ർ​ത്ത​ല​യി​ൽ ഒ​രു ഹൈ​സ്കൂ​ൾ ഇ​ല്ലെ​ന്ന് ധ​രി​പ്പി​ച്ച​ത്. ഇ​ത​റി​ഞ്ഞ ഗു​രു ഹൈ​സ്കൂ​ൾ നി​ർ​മി​ക്കാ​ൻ തീ​രു​മാ​നി​ച്ചു. ചേ​ർ​ത്ത​ല​യി​ലെ പ്ര​മു​ഖ​നാ​യ ക​ട്ടി​യാ​ട്ട് ശി​വ​രാ​മ പ​ണി​ക്ക​രു​ടെ നേ​തൃ​ത്വ​ത്തി​ൽ ഇ​തി​നാ​യി പ​ണം ക​ണ്ടെ​ത്താ​നാ​യി​രു​ന്നു അ​ടു​ത്ത തീ​രു​മാ​നം. സ​മൂ​ഹ​ത്തു​ള്ള​വ​രി​ൽ​നി​ന്ന്​ പി​രി​വെ​ടു​ത്താ​ണ് സ്കൂ​ളി​നാ​യി ചെ​റി​യ കെ​ട്ടി​ടം പ​ണി​ത​ത്.

തു​ട​ർ​ന്ന് സ​ർ​ക്കാ​ർ അം​ഗീ​കാ​ര​വും ല​ഭി​ച്ച​തോ​ടെ ഗ​വ. ബോ​യ്സ് ഹൈ​സ്കൂ​ൾ എ​ന്ന് പേ​രും വ​ന്നു. വ​യ​ലാ​ർ രാ​മ​വ​ർ​മ്മ, വ​യ​ലാ​ർ ര​വി, എ.​കെ ആ​ന്‍റ​ണി തു​ട​ങ്ങി പ്ര​ഗ​ത്ഭ​ർ ഇ​വി​ടെ നി​ന്നു​മാ​ണ് പ​ഠി​ച്ചി​റ​ങ്ങി​യ​ത്. എ​ന്നാ​ൽ അ​ക്കാ​ല​ത്ത് വേ​ണ്ട​ത്ര ശ്ര​ദ്ധ സ്കൂ​ളി​ന് ല​ഭി​ച്ചി​ല്ല. നി​ല​വി​ൽ കെ​ട്ടി​ട​ങ്ങ​ൾ എ​ല്ലാം കാ​ല​പ്പ​ഴ​ക്ക​ത്താ​ൽ ത​ക​ർ​ന്ന അ​വ​സ്ഥ​യാ​ണ്. സ്കൂ​ളി​ന്റെ വ​ട​ക്ക് വ​ശ​ത്തു​ള്ള കെ​ട്ടി​ടം എ.​ഇ.​ഒ ഓ​ഫി​സാ​യി മാ​റ്റി​യെ​ങ്കി​ലും ഈ ​കെ​ട്ടി​ട​വും ത​ക​ർ​ന്ന നി​ല​യി​ലാ​ണ്.