അറസ്റ്റിലായ നവാസ്
വള്ളികുന്നം: ഭിന്നശേഷിക്കാരിയായ യുവതിയെ ഓട്ടോറിക്ഷ യാത്രക്കിടെ പീഡിപ്പിച്ച ഡ്രൈവർ അറസ്റ്റിൽ. കറ്റാനം ഇലിപ്പക്കുളം ആശാരി അയ്യത്ത് നവാസാണ് (45) പിടിയിലായത്.
19കാരി തയ്യൽ പഠനത്തിനായി ഓട്ടോറിക്ഷയിൽ യാത്ര ചെയ്യുന്നത് അവസരമാക്കുകയായിരുന്നു. താമസിച്ച് വരുന്നതിൽ സംശയം തോന്നി വീട്ടുകാർ നടത്തിയ അന്വേഷണത്തിലാണ് സംഭവം അറിയുന്നത്.
തുടർന്ന് വള്ളികുന്നം പൊലീസ് സ്റ്റേഷനിൽ പരാതി നൽകി. സർക്കിൾ ഇൻസ്പക്ടർ എം.എം. ഇഗ്ന്യേഷ്യസ്, സിവിൽ പൊലിസ് ഓഫീസർമാരായ സീതമ്മ, രജനി, ജിഷ്ണു, സാജൻ എന്നിവരുടെ നേതൃത്വത്തിലായിരുന്നു അന്വേഷണം.
കായംകുളം ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.