കായംകുളം: ജില്ല അതിർത്തിയായ ആലുംപീടികയിൽ ഗൃഹനാഥനെയും ഭാര്യയെയും വീടുകയറി ആക്രമിച്ച സംഭവത്തിൽ ക്വട്ടേഷൻ സംഘം അറസ്റ്റിൽ. കൃഷ്ണപുരം തെക്ക് കൊച്ചുമുറി മണക്കാട്ട് ചിറയിൽ ഹർഷാദ് (28), കൃഷ്ണപുരം വലിയത്ത് ആഷിക് (കുട്ടൂസ് 24), കൃഷ്ണപുരം ശാസ്താവിന്റെ വീട്ടിൽ ഷൈജു (30), കൃഷ്ണപുരം ചീലാംതറയിൽ ആസിഫ് (26), കൃഷ്ണപുരം ജീലാനിയിൽ കിഴക്കതിൽ വീട്ടിൽ നൗഫൽ (പക്രു 26) എന്നിവരാണ് പിടിയിലായത്.
ക്ലാപ്പന പ്രയാർ തെക്ക് എരുമത്തുകാവിന് സമീപം സൂരജ് ഭവനത്തിൽ സോമനെയും ഭാര്യ സിന്ധുവിനെയും വീട്ടിൽകയറി ആക്രമിച്ച കേസിലാണ് നടപടി. സോമന്റെ മകൻ രണ്ടാഴ്ച മുമ്പ് ആക്രമിക്കപ്പെട്ടിരുന്നു. ഈ സംഭവത്തിൽ കേസ് കൊടുത്തതിലുള്ള പ്രതികാരമായാണ് കഴിഞ്ഞ വെള്ളിയാഴ്ച രാത്രി 11 മണിയോടെ സോമന്റെ വീട്ടിൽകയറി അക്രമം നടത്തിയത്.
സംഭവം അറിഞ്ഞ് പൊലീസ് എത്തിയപ്പോഴേക്കും പ്രതികൾ രക്ഷപ്പെട്ടു. പിന്തുടർന്ന് നടത്തിയ തിരച്ചിലിലാണ് പിടിയിലായത്. ഇവരിൽ പലരും നിരവധി ക്രിമിനൽ കേസുകളിൽ പ്രതികളാണെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.