ചേര്ത്തല മായിത്തറയില് മറിഞ്ഞ മിനി ടെമ്പൊ
ചേർത്തല: ദേശീയപാതയിൽ മായിത്തറയിൽ മിനി ട്രാവലർ മറിഞ്ഞ് 12 പേർക്ക് പരിക്ക്. ഞായറാഴ്ച വൈകീട്ട് നാലരയോടെയാണ് സംഭവം.എറണാകുളത്തുനിന്ന് കഞ്ഞിക്കുഴിയിൽ ഗൃഹപ്രവേശനം കഴിഞ്ഞ് എറണാകുളത്തേക്ക് മടങ്ങുമ്പോൾ നിയന്ത്രണംവിട്ട് ട്രാവലർ തലകീഴായി മറിയുകയായിരുന്നു. തുടർന്ന് ഡീസൽ ടാങ്ക് പൊട്ടി റോഡിൽ ഒഴുകിയത് പരിഭ്രാന്തി പരത്തി. ഒരുമണിക്കൂറോളം ഗതാഗതം തടസ്സവുമുണ്ടായി.
നാട്ടുകാരും ചേർത്തല അഗ്നിരക്ഷ സേനയും ചേർന്ന് പരിക്കേറ്റവരെ ആശുപത്രിയിൽ എത്തിച്ചു. പലരുടെയും തലക്കാണ് പരിക്കേറ്റത്. ഗുരുതര പരിക്കേറ്റ ഒരാളെ എറണാകുളത്തെ സ്വകാര്യ ആശുപത്രിയിലേക്ക് മാറ്റി. മറ്റുള്ളവരെ അടുത്തുള്ള സ്വകാര്യ ആശുപത്രിയിലും താലൂക്ക് ആശുപത്രിയിലും എത്തിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.