പൂച്ചാക്കൽ: ബംഗളൂരു -കൊച്ചുവേളി എക്സ്പ്രസിൽ കടത്തിക്കൊണ്ടുവന്ന 39 ഗ്രാം എം.ഡി.എം.എ പിടിച്ചെടുത്തു. അരൂർ പഞ്ചായത്ത് ചന്തിരൂർ പാറ്റുവീട് ഫെലിക്സ്, നദുവത്തുനഗർ കൊഴപ്പള്ളിചിറ പള്ളിത്തറ കെ.ബി. ബെസ്റ്റിൻ എന്നിവർ അറസ്റ്റിലായി. ആലപ്പുഴ എക്സൈസ് ഇന്റലിജൻസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ചേർത്തല റേഞ്ച് സംഘവും ആലപ്പുഴ എക്സൈസ് ഇന്റലിജൻസ് സംഘവും ചേർന്ന് ചേർത്തല റെയിൽവേ സ്റ്റേഷൻ പരിസരത്ത് നടത്തിയ പുലർകാല പരിശോധനയിലാണ് പ്രതികൾ പിടിയിലായത്. മൂന്ന് ലക്ഷം രൂപ വില വരുന്നതാണ് എം.ഡി.എം.എ. ജില്ലയിൽ പിടികൂടുന്ന ഏറ്റവും വലിയ അളവാണിത്. ബംഗളൂരുവിലെ ഇടനിലക്കാരനിൽനിന്ന് വാങ്ങുന സിന്തറ്റിക് ഡ്രഗ്സ് അരൂർ, അരൂക്കുറ്റി മേഖലയിലാണ് വിൽപന നടത്തിവന്നിരുന്നത്. ചേർത്തല റേഞ്ച് എക്സൈസ് ഇൻസ്പെക്ടർ വി.ജെ. റോയിയുടെ നേതൃത്വത്തിൽ നടന്ന പരിശോധനയിൽ എക്സൈസ് ഇന്റലിജൻസ് പ്രിവന്റീവ് ഓഫിസർ റോയി ജേക്കബ്, പ്രിവന്റിവ് ഓഫിസർ ഗ്രേഡ് ഷിബു ബെഞ്ചമിൻ, സിവിൽ എക്സൈസ് ഓഫിസർമാരായ ബി.എം. ബിയാസ്, ടി. അനിൽ കുമാർ തുടങ്ങിയവർ സംഘത്തിലുണ്ടായിരുന്നു. ചിത്രം : പിടിയിലായ ഫെലിക്സ്, ബെസ്റ്റിൻ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.