അരൂരിൽ എഴുത്തിൻെറ വസന്തകാലം അരൂർ: അരൂരിൽ എഴുത്തുകാരുടെ വസന്തകാലം. സാംസ്കാരിക രംഗത്ത് വ്യക്തിമുദ്ര പതിപ്പിച്ച പലരും എഴുത്തിൽ സജീവമാകുകയാണ്. അരൂർ സ്വദേശിയായ പ്രഫ. ടി.പി. ആൻറണിയുടെ ഗ്രീക്ക് പുരാണകഥകൾ ഞായറാഴ്ച പ്രകാശനം ചെയ്യും. അരൂർ കൊടുവേലിൽ ശിവദാസൻ പിള്ളയുടെ 'ജമദഗ്നി' കവിത സമാഹാരം 29ന് പ്രകാശനം ചെയ്യുന്നു. അരൂരിൽ ദീർഘകാലത്തെ സാംസ്കാരിക പ്രവർത്തന പാരമ്പര്യമുള്ള എൻ.കെ. സുരേന്ദ്രന്റെ പുസ്തകവും പൂർത്തിയായി വരുകയാണ്. പ്രഫ. ടി.പി. ആന്റണിയുടെ അഞ്ചാമത്തെ പുസ്തകമായ ഗ്രീക്ക് പുരാണകഥകൾ ഞായറാഴ്ച രാവിലെ 10ന് ചന്തിരൂർ ഗവ. ഹെയർസെക്കൻഡറി സ്കൂൾ ഓഡിറ്റോറിയത്തിൽ കവി വയലാർ ശരത്ചന്ദ്രവർമ ഡോ. എൻ.എം. ബാദുഷക്ക് നൽകി പ്രകാശനം ചെയ്യും. സമ്മേളനത്തിൻെറ ഉദ്ഘാടനം ദലീമ ജോജോ എം.എൽ.എ നിർവഹിക്കും. അരൂർ കൊടുവേലി ശിവദാസൻ പിള്ളയുടെ കവിതസമാഹാരത്തിൻെറ പ്രകാശന ചടങ്ങ് അരൂർ തൈക്കാളമുറി ഓഡിറ്റോറിയത്തിൽ 29ന് വൈകീട്ട് മൂന്നിന് നടക്കും. പുസ്തകപ്രകാശനം സി.പി.എം സംസ്ഥാന സമിതി അംഗം സി.ബി. ചന്ദ്രബാബു മുൻ എം.എൽ.എ ജോൺ ഫെർണാണ്ടസിന് നൽകി നിർവഹിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.