തിരുവനന്തപുരം: മഹാനവമി, വിജയദശമി, ദസറ ഉത്സവങ്ങളോട് അനുബന്ധിച്ച് യാത്രാക്കാരുടെ സൗകര്യാർത്ഥം ഈ മാസം 28 മുതൽ ഒക്ടോബർ 12 വരെ കെ.എസ്.ആർ.ടി.സിയും, സ്വിഫ്റ്റും കൂടുതൽ അന്തർ സംസ്ഥാന സർവ്വീസുകൾ നടത്തും. ബാഗ്ലൂർ , മൈസൂർ, ചെന്നൈ എന്നിവടങ്ങിളിലേക്കാണ് അധിക സർവീസ് നടത്തുന്നത്. കെ.എസ്.ആർ.ടി.സി ബസുകളിൽ റിസർവേഷൻ പൂർത്തിയായതിന് ശേഷമാകും ആവശ്യമെങ്കിൽ കെ.എസ്.ആർ.ടി.സി- സ്വിഫ്റ്റ് ബസുകൾ ഈ റൂട്ടുകളിൽ സർവീസ് നടത്തുക.
ബാഗ്ലൂർ - കോഴിക്കോട്, (മൈസൂർ-സൂൽത്താൻ ബത്തേരി, കട്ട-മാനന്തവാടി വഴിയും) ബാഗ്ലൂർ-തൃശ്ശൂർ (സേലം-കോയമ്പത്തൂർ-പാലക്കാട് വഴിയും), ബാഗ്ലൂർ-എറണാകുളം (സേലം- കോയമ്പത്തൂർ- പാലക്കാട് വഴിയും), ബാഗ്ലൂർ- കോട്ടയം ( സേലം- കോയമ്പത്തൂർ- പാലക്കാട് വഴിയും), ബാഗ്ലൂർ- കണ്ണൂർ ( ഇരിട്ടി വഴി), ബാഗ്ലൂർ - പയ്യന്നൂർ ( ചെറുപുഴ വഴി), ബാഗ്ലൂർ - തിരുവനന്തപുരം( നാഗർകോവിൽ വഴി), ചെന്നൈ തിരുവനന്തപുരം ( നാഗർകോവിൽ വഴി), ചെന്നൈ എറണാകുളം ( സേലം- കോയമ്പത്തൂർ വഴി), തിരിച്ചും കെ.എസ്.ആർ.ടി.സിയുടെ സ്കാനിയ, വോൾവോ ബസുകൾ 40 ഓളം സർവീസുകൾ അങ്ങോട്ടും ഇങ്ങോട്ടും നടത്തും,
ഇതിന് പുറമെ ആവശ്യമുള്ള പക്ഷം കെ.എസ്.ആർ.ടി.സി സ്വിഫ്റ്റ് ബസുകൾ കണ്ണൂർ - ചെന്നൈ, എറണാകുളം - ചെന്നൈ, ബാഗ്ലൂർ -സേലം- തിരുവനന്തരും, പാലക്കാട് - കോയമ്പത്തൂർ - ചെന്നൈ, തിരുവനന്തപുരം - നാഗർകോവിൽ - ബാഗ്ലൂർ, കോഴിക്കോട് - ബത്തേരി- ബാഗ്ലൂർ, കണ്ണൂർ - വിരാജപ്പേട്ട- ബാഗ്ലൂർ സർവീസുകൾക്കായി 16 ഓളം ബസുകളും ലഭ്യമാണ്. ഓൺലൈൻ ടിക്കറ്റ് റിസർവേഷന് online.keralartc.com, എന്ന് വെബ്സൈറ്റ് വഴിയോ ende ksrtc എന്ന മൊബൈൽ ആപ്പ് വഴിയോ ബുക്ക് ചെയ്യാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.