മാഹിയിൽ കോവിഡ്​ ബാധ സ്​ഥിരീകരിച്ചത് കോഴി​േക്കാട്​ ബീച്ച്​ ആശുപത്രിയിൽ മുങ്ങിയ രോഗിക്ക്​

കോഴിക്കോട്​: മാഹിയിൽ കോവിഡ്​ ബാധ സ്​ഥിരീകരിച്ചത് കഴിഞ്ഞ വെള്ളിയാഴ്​ച േകാഴിക്കോട്​ ബീച്ച്​ ആശുപത്രി ​െഎ സോ​േലഷൻ വാർഡിൽ നിന്ന്​ സ്വന്തം ഇഷ്​ടത്തിന്​ ഇറങ്ങി​​േപ്പായ വനിതക്ക്​​. ഡോകടർമാരുടെ നിർദേശം ലംഘിച്ച്​ ആശു പത്രിയിൽ നിന്ന്​ ഇവർ രക്ഷപ്പെടുകയായിരുന്നു. അതേസമയം ഇവരെ ​െഎസോലേഷൻ വാർഡിൽ നിന്ന്​ സ്വന്തം ഇഷ്​ടത്തിന്​ ഇറങ്ങിപ്പോവാൻ അനുവദിച്ച സംഭവത്തിൽ അന്വേഷണം ആരംഭിച്ചു.

ബീച്ച്​ ആശുപത്രിയുടെ ഭാഗത്ത്​ നിന്ന്​ ഗുരുതരവീഴ്​ച സംഭവിച്ചു എന്നാണ്​ പ്രാഥമിക റിപ്പോർട്ട്​. സംഭവത്തെ കുറിച്ച്​ അന്വേഷിച്ച്​ വരികയാണെന്ന്​ ഡി.എം.ഒ ഡോ. വി. ജയശ്രീ പറഞ്ഞു. കോവിഡ്​ ലക്ഷണങ്ങളോടെയാണ്​ മാഹി ജനറൽ ആശുപത്രിയിൽ നിന്ന്​ ചാലക്കര സ്വദേശിയായ 68 കാരിയെ വെള്ളിയാഴ്​ച വൈകുന്നേരത്തോടെ ബീച്ച്​ ആശുപത്രിയിൽ ആംബുലൻസിൽ കൊണ്ടു വന്നത്​. പ്രാഥമിക പരിശോധനക്ക്​ ശേഷം ഇവരെ ​െഎസോലേഷൻ വാർഡിലേക്ക്​ മാറ്റി. എന്നാൽ വാർഡിലെത്തിയ രോഗി അസ്വസ്​ഥത പ്രകടിപ്പിക്കുകയും ഇവിടെ നിൽക്കുന്നില്ലെന്ന്​ പറഞ്ഞ്​ ഇറങ്ങിപ്പോവുകയുമായിരുന്നു. ഭർത്താവിനൊപ്പമാണ്​ ഇവർ വന്നത്​. പുറത്തിറങ്ങി അവർ വന്ന ആംബുലൻസിൽ തിരിച്ചുപോവാൻ ശ്രമിച്ചു. ആംബുലൻസ്​ ഡ്രൈവർ പക്ഷെ അവരെ കൊണ്ടുപോകാൻ തയാറായില്ല. തുടർന്ന്​ ഒാ​േട്ടാറിക്ഷയിൽ റെയിൽവേസ്​റ്റേഷനിലെത്തി മംഗള എക്​സ്​പ്രസിൽ മാഹിയിലേക്ക്​ പോവുകയായിരുന്നു എന്നാണ്​ വിവരം.

മാഹിയിൽ സ്​റ്റോപ്പില്ലാത്തതിനാൽ തല​​േശ്ശരിയിലാണ്​ ഇവർ ഇറങ്ങിയതത്രെ​. ഇവർ ആശുപത്രിയിൽ നിന്ന്​ ഇറങ്ങിപ്പോയ വിവരം ബീച്ച്​ ആശുപത്രി അധികൃതർ മാഹിയലെ ആരോഗ്യവകുപ്പ്​ അധികൃതരെ അറിയിച്ചു. തുടർന്ന്​ അവിടെ നിന്ന്​ രോഗിയെ മാഹി ജനറൽ ആശുപത്രിയിൽ അന്നുതന്നെ പ്രവേശിപ്പിക്കുകയായിരുന്നു. ഇവർ സഞ്ചരിച്ച വഴികൾ അന്വേഷിച്ച്​ റൂട്ട്​ മാപ്പ്​ തയാറാക്കിയിട്ടുണ്ട്​. ഇവരെ കൊണ്ടുപോയ ഒാ​േട്ടാറിക്ഷ ഡ്രൈവറെ കുറിച്ചും അന്വേഷിച്ച്​ വരികയാണ്​. രോഗം സംശയിക്കുന്നവരെ ആശുപത്രിയിൽ പ്രവേശിപ്പിച്ചാൽ ഒരു കാരണവശാലും സ്വന്തം ഇഷ്​ടത്തിന്​ വിട്ടയക്കരുതെന്ന്​ ജില്ലാ കലക്​ടർ കർശന നിർദേശം നൽകിയിട്ടുണ്ട്​.​ ഉംറ കഴിഞ്ഞ്​ കഴിഞ്ഞ 13ന്​ പുലർച്ചെ നാല്​ മണിക്കാണ്​ ​ ഇവർ കരിപ്പൂർ വിമാനത്താവളത്തിലിറങ്ങിയത്​. സ്വകാര്യ ട്രാവൽ ഏജൻസി വഴിയാണ് ഉംറക്ക് പോയത്.സഹയാത്രികരുടെ പട്ടികയും തയാറാക്കുന്നുണ്ട്​.