കോഴിക്കോട്: കൊടുവള്ളി പൊലീസ് സ്റ്റേഷന് സമീപത്തുള്ള ജ്വല്ലറിയിൽ വൻ കവർച്ച. മൂന്ന് കിലോ സ്വർണവും മൂന്ന് കിലോ വെള്ളിയും രണ്ടര ലക്ഷം രൂപയും മോഷണം പോയി. കൊടുവള്ളി വെളുത്തേടത്ത് ഫിറോസിെൻറ ഉടമസ്ഥതയിലുള്ള സിൽസില ജ്വല്ലറിയിലാണ് വെള്ളിയാഴ്ച പുലർച്ചെ കവർച്ച നടന്നത്.
ജ്വല്ലറിയുടെ പിൻഭാഗത്തെ ചുമര് തുരന്നാണ് മോഷ്ടാവ് അകത്ത് കടന്നത്. കെട്ടിടത്തിനകത്തെ സി.സി.ടി.വി തകർത്ത നിലയിലാണ്. പൊലീസ് ഡോഗ് സ്ക്വാഡും ഫൊറൻസിക് വിദഗ്ധരും സ്ഥലത്തെത്തി പരിശോധിച്ചു. സമീപ പ്രദേശത്തെ സി.സി.ടി.വി ദൃശ്യങ്ങൾ പരിശോധിക്കുമെന്നും ഇതര സംസ്ഥാന മോഷ്ടാക്കളെയാണ് സംശയിക്കുന്നതെന്നും പൊലീസ് പറഞ്ഞു.
ഏതാനും മാസങ്ങൾക്ക് മുമ്പ് കൊടുവള്ളിയിലെ ചില വീടുകളിൽ കവർച്ച നടന്നിരുന്നു. ഇൗ കേസിൽ പ്രതികളെ ഇതുവരെ പിടികൂടിയിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.