കോട്ടയം: ചെയര്‍മാൻ തെരഞ്ഞെടുപ്പിനെ ഇടുക്കി മുന്‍സിഫ് കോടതി വിധി ബാധിക്കില്ലെന്ന് ജോസ് കെ.മാണി എം.പി. കേരള കോണ്‍ഗ്രസ് എം സംസ്ഥാന കമ്മിറ്റി അംഗങ്ങള്‍ ചേര്‍ന്ന് പാര്‍ട്ടി ഭരണഘടന അനുസരിച്ച് നടത്തിയതാണ് ചെയര്‍മാന്‍ തെരഞ്ഞെടുപ്പ്. ചെയര്‍മാെനന്ന നിലയിലുള്ള തെൻറ പ്രവര്‍ത്തനങ്ങളെ ഇത് ഒരുതരത്തിലും ബാധിക്കില്ലെന്നും അദ്ദേഹം പ്രസ്താവനയിൽ പറഞ്ഞു.
ഇടുക്കി മുന്‍സിഫ് കോടതി പുറപ്പെടുവിച്ച വിധിയുടെ വിശദാംശങ്ങള്‍ ലഭ്യമായാല്‍ ഉടന്‍ നിയമവിദഗ്ധരുമായി ആലോചിച്ച് തുടര്‍നടപടി സ്വീകരിക്കും. കേരള കോണ്‍ഗ്രസ് എം ചെയര്‍മാന്‍ എന്ന നിലയില്‍ തന്നില്‍ നിക്ഷിപ്തമായിട്ടുള്ള അധികാരങ്ങളുടെ വിനിയോഗത്തില്‍ ചിലതുമാത്രം പരിമിതപ്പെടുത്തുന്നത് മാത്രമായിരുന്നു തൊടുപുഴ കോടതിയുടെ ഉത്തരവ്.
പാര്‍ട്ടി പ്രവര്‍ത്തകരുടെമേല്‍ അച്ചടക്ക നടപടി സ്വീകരിക്കുന്നതുപോലെയുള്ള ചില പ്രത്യേക കാര്യങ്ങളില്‍ മാത്രമാണ് ഇത് ബാധകമാകുന്നത്. രാഷ്ട്രീയ പാര്‍ട്ടികളുമായി ബന്ധപ്പെട്ടുള്ള ഇത്തരം കാര്യങ്ങളില്‍ കേന്ദ്ര തെരെഞ്ഞെടുപ്പ് കമീഷെൻറ തീരുമാനങ്ങളാണ് ആത്യന്തികമായി ബാധകമാകുന്നത്. കേന്ദ്ര തെരഞ്ഞെടുപ്പ് കമീഷെൻറ പരിഗണനയിലാണ് ഈ വിഷയമെന്നതിനാൽ തീരുമാനത്തിനായി കാത്തിരിക്കുകയാണെന്നും ജോസ് കെ.മാണി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.