കാസർകോട്​ യുവതി ആംബുലൻസിൽ പ്രസവിച്ചു

കാസർകോട്​: മംഗളൂരുവിലേക്ക്​ ആംബുലൻസിൽ പോയ ഗർഭിണിയെ കർണാടക പൊലീസ്​ തടഞ്ഞ്​ തിരിച്ചയച്ചതിനെ തുടർന്ന്​ യുവതി ആംബുലൻസിൽ പ്രസവിച്ചു. അതിർത്തിയിൽനിന്നും കാസർ​േകാ​ട്ടേക്ക്​ തിരിച്ചുപോരുന്നതിനിടെയാണ്​ യുവതി പ്രസവിച്ചത്​.

തലപ്പാടി അതിർത്തിയിൽ വെച്ച്​ ആംബുലൻസ്​ തടയുകയായിരുന്നു​. ഉത്തർപ്രദേശുകാരിയായ അമ്മയേയും കുഞ്ഞിനെയും കാസർകോട്​ ജനറൽ ആശുപത്രിയിൽ പ്രവേശിപ്പിച്ചു. ഇവരുടെ ആരോഗ്യനില തൃപ്​തികരമാണ്​.

കർണാടകയുമായി അതിർത്തി പങ്കിടുന്ന കാസർകോട്​ ജില്ലയിലെ നിരവധി ഗ്രാമങ്ങളെ ബന്ധിപ്പിക്കുന്ന റോഡുകൾ കർണാടക മണ്ണിട്ട്​ അടച്ചിട്ടിരുന്നു. ദേലംപാടി, വോർക്കാടി, പൈവളിംഗ, മഞ്ചേശ്വരം, എൻമകജെ പഞ്ചായത്തുകൾ ഇതോടെ ഒറ്റപ്പെടുകയും ചെയ്​തിരുന്നു.